影片
更多
2018-07-11
39 瀏覽
今晚去將軍澳探訪朋友新居，之後一齊係附近搵食。有唔少新樓盤，開左唔少新食肆。搵搵下。比依間彩興嘅招牌家鄉鴨煲兼火鍋吸引左。平時就食得雞煲多，鴨就真係少有，而且仲好特別地係用個黑鑊黎打邊爐。落完order，大大碟炆好嘅鴨肉就上枱。之後會有店員幫你落鑊炒熱佢，睇睇啲鴨嘅色澤，就知道好入味，食落果然無失望，肉質唔會鞋，味道好好！除左鴨肉外，啲配菜例如蘿蔔，芹菜都好入味，比我掃哂✌🏻之後就會再加上湯去打邊爐，有左啲鴨汁味，夠哂香，豉油都唔使點。揀左幾款手工做嘅配料，全部都有質素。依個響鈴有咩特別？！特別在係即炸芝士響鈴，第一次試有芝士嘅。出其地夾。索左啲湯好好味。依個係手打醬爆四色丸。每粒食落都有驚喜，咬落去都有不同醬爆嘅餡，手工做口感都唔同啲。依個自家制韮菜餃。係朋友最愛。總共有八粒。每粒都大大粒，好多餡，食到好新鮮嘅韮菜。好味道。手切脆鮸片。切得厚薄平均。非常新鮮大大塊，用料有質素。菜都要介紹？！因為見到啲菜真係有逐棵洗過先比客人食用，值得一讚。柚子茶就正常水準，唔會淡而無味。成餐都好滿足，食得出用心做食物，亦用心揀新鮮嘅食材。雖然餐廳嘅位置唔顯眼，但都值得一黎，呀經理仲介紹話黎緊做$1湯
有唔少新樓盤，開左唔少新食肆。
搵搵下。比依間彩興嘅招牌家鄉鴨煲兼火鍋吸引左。
平時就食得雞煲多，鴨就真係少有，而且仲好特別地係用個黑鑊黎打邊爐。
落完order，大大碟炆好嘅鴨肉就上枱。
之後會有店員幫你落鑊炒熱佢，
睇睇啲鴨嘅色澤，就知道好入味，
食落果然無失望，肉質唔會鞋，味道好好！
除左鴨肉外，啲配菜例如蘿蔔，芹菜都好入味，比我掃哂✌🏻
之後就會再加上湯去打邊爐，有左啲鴨汁味，夠哂香，豉油都唔使點。揀左幾款手工做嘅配料，全部都有質素。
依個響鈴有咩特別？！
特別在係即炸芝士響鈴，第一次試有芝士嘅。出其地夾。索左啲湯好好味。
依個係手打醬爆四色丸。每粒食落都有驚喜，咬落去都有不同醬爆嘅餡，手工做口感都唔同啲。
依個自家制韮菜餃。係朋友最愛。總共有八粒。
每粒都大大粒，好多餡，食到好新鮮嘅韮菜。好味道。
手切脆鮸片。切得厚薄平均。非常新鮮大大塊，用料有質素。
菜都要介紹？！因為見到啲菜真係有逐棵洗過先比客人食用，值得一讚。
柚子茶就正常水準，唔會淡而無味。
成餐都好滿足，食得出用心做食物，亦用心揀新鮮嘅食材。
雖然餐廳嘅位置唔顯眼，但都值得一黎，
呀經理仲介紹話黎緊做$1湯底優惠。又質素又有優惠。要同朋友再食過先得。
張貼
