橘焱胡同燒肉夜食 (已結業)

來自台灣嘅過江龍燒肉店 有唔少店員都係台灣黎 有店員喺你面前燒埋畀你食 畀人服侍嘅感覺有啲尷尬 不過都幾周到 裝修偏向中國風 燈光昏暗好有情調 記得book咗枱先好上嚟 長期full booking walk in就難啲有位美國安格斯牛肉眼扒 佢係每日新鮮返貨 唔靚唔做 而且逐塊計重量 去計算價錢好均真 有重牛肉味 五成熟啱啱好 夠晒冧 滋滋聲好治癒台灣答飛機黎既墨魚香腸 燒得好香口 仲有勁豐富嘅墨魚肉喺入面 口感十足 超級推薦 有台灣夜市嘅風味雞軟骨分量超多 係用雞胸肉中間舊骨去做 香港餐廳比較罕有 十分鹹香爽脆 送酒一流最後甜品係 奶油起司地瓜燒 係好重芝士味嘅蕃薯蓉 其實唔太甜 唔知點解叫甜品？？？不過芝士愛好者都應該好喜歡 埋單接近一千蚊兩個人 唔使搭飛機就可以食到台灣地道嘅燒烤燒肉 個人認為物有所值