Simply (已結業)

我哋深信區區都有好多低調而又好食嘅餐廳，大角咀呢個地方都係比較少人發掘嘅地點，所以我哋嗰晚就勇闖大角咀，就比我哋發現咗呢間餐廳，食完真係覺得原來好食嘅二人餐都可以好平🥰二人晚餐 $388粟米湯稠度適中，係濃濃嘅粟米味，而且都幾多粟米碎，飲落多咗份咬口🫶🏻水牛城雞翼雞翼都幾大隻，辣醬平均鋪滿係雞翼表面，雞翼肉嫩，辣醬唔算好辣，但隻辣係幾惹味同過癮嘅🤪北海道帶子牛肝菌忌廉汁闊條麵份量都幾足，有四大粒煎香咗嘅北海道帶子，配上牛肝菌忌廉汁，呢個配搭非常舒服，帶子好香，食落都唔會柴 ，個汁唔算好濃味，可以食得返帶子嘅味道，闊條麵就有啲咬口同埋幾掛汁🥰美國安格斯牛肉眼扒叫咗五成熟，塊肉眼都有一定嘅厚度，但切落去就感覺到有幾軟熟，食落牛味香濃又Jᴜɪᴄʏ，出色👏🏻牛角窩夫配雪糕呢款甜品有幾款雪糕可以揀，我哋揀咗曲奇雪糕，窩夫好脆口，配埋雪糕食，冷熱交融，非常爽🤣提拉米蘇 +$28呢個大推，一定要加錢食，呢個Tɪʀᴀᴍɪsᴜ食落質感綿密配上適量可可粉，口感幼滑，酒香同咖啡味嘅平衡做得唔錯，完成度都相當高😍呢個價錢包哂兩個人嘅前菜，小食，主菜同甜品，真係好抵，而且每款嘅發揮都唔差，所以大家真係要支持多啲