樂天皇朝 (已結業)

同朋友食生日飯，記得佢話過鍾意食上海菜，於是乎就上OpenRice搵吓餐廳，佢話想試呢間樂天王朝，馬上經openrice訂座，驚喜發現原來尖沙咀分店有六折優惠😻所以滿心期待！ 招牌小籠包（一客六件）首先講吓小籠包皮嘅質地有少少彈性，厚薄適中，每一件都冇穿冇爛，成功放入口享受豐富嘅湯汁！👍🏻豬肉餡料，份量適中，肉質香滑又唔會太肥膩！口水雞賣相靚，而且真係做得超級惹味，雞肉好嫩滑，辣醬比較杰身但係好香同唔算太麻，最後食完嗰種回辣好爽！（我是辣妹子😝）蒜泥白肉呢個賣相非常精緻，用咗好薄好薄嘅豬腩片捲着大量切到好幼既青瓜絲，上面再放左佢哋秘製嘅蒜泥醬，一口一件！好味到食唔停口！四川擔擔麵唔好睇佢好似一般普通擔擔麵，呢個湯底做得非常好！麻醬同湯頭嘅比例剛剛好，麵質亦非常彈牙，我同朋友忍唔住連麵帶湯一齊清晒！最後上既生煎包因為我朋友一向好鍾意食生煎包，我自己都試咗一隻，味道係唔錯嘅，不過我唔鍾意呢種傳統嘅麵包皮，覺得食完好飽！個人比較喜歡祥興記嘅多啲😏整體來講呢間樂天王朝嘅出品真係好出食，感受到係非常用心製作，碟碟都好好味再加上而家尖沙咀分店有限時六折，下次會帶屋企人嚟食💕