徐記廚房點心 (已結業)

送屋企人搭直通車，先發現原來太子呢邊開左好多點心舖，呢間係朋友話好食，今日又唔算太餓，叫左少少試下。價錢都相宜。小見用mug做茶杯雪山叉燒飽- $28 叉燒包夠熱，咬落口軟林林，本身包都甜甜地，再加埋咸咸既叉燒，唔會太重味,唔會搶左包既味，好balance. 個雪山仲唔會一咬開就散晒，有功夫。煎釀虎皮尖椒 - $32即叫即煎嘅虎皮尖椒，上倒枱熱辣辣，咬開好juicy, 尖椒都幾辣，不過岩我口味，好惹味，入面釀既魚蓉唔會太多，好有口感。店員仲加左少少甜豉油，味道提升。黃金魚餅 - $36 個皮超級脆，食落口真係會卜一聲，好香口，入面魚漿不會太厚，同時食到彈牙口感，仲混入左香蔥加持，推薦！翠緑叉燒腸 - $35 叉燒腸好特別，第一次食入面有生菜既，叉燒係瘦瘦地，比較有咬口，生菜好fresh, 而腸粉外皮都非常簿，又滑溜。養顏薑汁糕 - $29千層糕黎，好用心既制作。食落口薑味十足，好暖胃，又煙韌但唔會痴牙。