川．粵居 (已結業)

爾巒川粵居飲茶，想去好耐，去到不用等位，未食先興奮🤤，美點精緻，用心制作，味道比較淡，反而更合我哋口味#麻雀千層糕，反傳統的千層糕，無用椰絲，只用奶黃，不太甜，也不太膩🥰#蜂巢天鵝酥，其實係芋泥角，好靚的天鵝做型，芋角外脆內軟，內心多肉粒熱辣辣，平時芋角食落口會好油同有陣油「益」味，但呢個無，正🥰#肉鬆煎米雞，未食之前睇賣相以為炸脆漿外層，但原來只是一層好薄的脆衣，煎得好靚同香脆，糯米煙煙勒勒🥰#甘筍咸水角，好靚的甘荀外型，內外兼備，放了一段時間都依然脆同熱，還有泥沙脆脆，好食，最緊要不甜，配埋膠泥剷好攪笑🥰#雪糕柚皮，已好少地方整柚皮了，柚皮似雪糕入口即溶，配上鮑魚汁，即刻高貴左🤣，再配上松草花和芽菜，爽脆又冧痴痴，口感好特別