影片
更多
2019-07-18
44 瀏覽
平時都唔知原來山林道咁多火鍋店 今日朋友帶我黎食呢間熊本牛涮鍋 話有我鍾意既牛小排食😋其實形式係類似啲連鎖一人一鍋 不過呢到就係幾人一鍋 咁先係打邊爐嫁嘛🍲🤣坐低無耐 已經俾佢個飲品櫃吸引左 除左係街行完真係好熱外 呢到既飲品種類都好多選擇 要甜有甜 要無咁邪惡既就無咁邪惡 仲要勁有心有自家製出品既涼茶！到揀湯底 6款湯底任揀 全部都好吸引 最後我地揀左蕃茄湯底 睇下啲蕃茄味同豬骨湯夠唔夠濃😋湯底一上到 見到有蕃茄肉 證明好足料🤣除左預設既肉外 仲有個雪櫃擺左好多唔同配料任夾 配料之多係可以滿足晒你既願望 仲要我平時鍾意食既 大部分呢到都有😋🥰好正到到最重要既肉喇！食左豚肉、牛肩胛同牛小排🥩 豚肉值得大讚 厚薄剛好 肉質唔鞋 食落係爽脆！因為食左牛小排 所以頓時覺得牛肩胛無咁正（本身就咁食都正）🤣牛小排肉身薄啲 同肉既脂肪多啲 食落會滑啲同易嚼 唔會太乾爭爭！去到尾聲 有任食四款口味既haagen dazs雪糕！！唔係平時食個啲一盒盒 係真係自己筆 感覺好似好食啲 同埋啲味特別啲 我今日食分別有焦糖脆餅、藍莓、夏威夷果仁、朱古力～😋食完好滿足 食物整體都比連鎖個啲邊爐高質 環境都幾靚
其實形式係類似啲連鎖一人一鍋 不過呢到就係幾人一鍋 咁先係打邊爐嫁嘛🍲🤣
坐低無耐 已經俾佢個飲品櫃吸引左 除左係街行完真係好熱外 呢到既飲品種類都好多選擇 要甜有甜 要無咁邪惡既就無咁邪惡 仲要勁有心有自家製出品既涼茶！
到揀湯底 6款湯底任揀 全部都好吸引 最後我地揀左蕃茄湯底 睇下啲蕃茄味同豬骨湯夠唔夠濃😋湯底一上到 見到有蕃茄肉 證明好足料🤣
除左預設既肉外 仲有個雪櫃擺左好多唔同配料任夾 配料之多係可以滿足晒你既願望 仲要我平時鍾意食既 大部分呢到都有😋🥰好正
到到最重要既肉喇！食左豚肉、牛肩胛同牛小排🥩 豚肉值得大讚 厚薄剛好 肉質唔鞋 食落係爽脆！因為食左牛小排 所以頓時覺得牛肩胛無咁正（本身就咁食都正）🤣牛小排肉身薄啲 同肉既脂肪多啲 食落會滑啲同易嚼 唔會太乾爭爭！
去到尾聲 有任食四款口味既haagen dazs雪糕！！唔係平時食個啲一盒盒 係真係自己筆 感覺好似好食啲 同埋啲味特別啲 我今日食分別有焦糖脆餅、藍莓、夏威夷果仁、朱古力～😋
食完好滿足 食物整體都比連鎖個啲邊爐高質 環境都幾靚 幾適合一大班人黎 服務又好 遲啲同啲朋友再黎 睇下有啲咩新野先😋
張貼
