影片
更多
2016-09-20
279 瀏覽
今晚又返到去我熟識既西環，之前第三街同高街開左好多餐廳，而家連第二街都開始多美食了～ 沿住第二街行去水街方向發現呢間有唔少人出口，原來係新餐廳㖿～ ！有位有位～～即刻入去試下先！雖然個名叫「三台八座」，但絕對唔係得8個位 XD 起碼都坐到廿幾人架～～環境唔算大但光線充足、裝修簡潔舒服～我地選擇左坐門口既2人位～ 佢地既Dinner Set 分 (A) ,(B) 2款：(A) $82-118 有餐湯、主菜及餐飲～主要係意大利粉/意大利飯/魚柳沙律。(B) $188-208 有前菜、餐湯、主菜及餐飲～主要係三文魚扒/牛扒/黑毛豬扒。（可選意粉/飯/薯菜）我點左個Set (B) 既《烤焗西班牙黑毛豬梅扒 $208》～前菜：煙三文魚沙律～ 星星型既配好可愛！沙律比想像中大兜！煙三文魚亦多，魚脂好香口～餐湯：《黑松露忌廉湯》好濃郁美味，一d都唔膩～唔怪得之呢款湯甘受歡迎，聽聞今日晏晝已經賣晒，老闆即時要去補給黑松露煮湯！主菜到 ：《烤焗西班牙黑毛豬梅扒 》餐廳真材實料，叫飯/意粉我怕太飽所以要左薯菜，份量仍然好多！薯條炸得好好食，唔會炸過頭，仍然好多薯肉而且薄脆可口！伴碟仲有豆角同西式煮法既蕃
有位有位～～即刻入去試下先！雖然個名叫「三台八座」，但絕對唔係得8個位 XD 起碼都坐到廿幾人架～～環境唔算大但光線充足、裝修簡潔舒服～
我地選擇左坐門口既2人位～
佢地既Dinner Set 分 (A) ,(B) 2款：
(A) $82-118 有餐湯、主菜及餐飲～
主要係意大利粉/意大利飯/魚柳沙律。
(B) $188-208 有前菜、餐湯、主菜及餐飲～主要係三文魚扒/牛扒/黑毛豬扒。（可選意粉/飯/薯菜）
我點左個Set (B) 既《烤焗西班牙黑毛豬梅扒 $208》～
前菜：煙三文魚沙律～ 星星型既配好可愛！沙律比想像中大兜！煙三文魚亦多，魚脂好香口～
餐湯：《黑松露忌廉湯》好濃郁美味，一d都唔膩～唔怪得之呢款湯甘受歡迎，聽聞今日晏晝已經賣晒，老闆即時要去補給黑松露煮湯！
主菜到 ：《烤焗西班牙黑毛豬梅扒 》餐廳真材實料，叫飯/意粉我怕太飽所以要左薯菜，份量仍然好多！薯條炸得好好食，唔會炸過頭，仍然好多薯肉而且薄脆可口！伴碟仲有豆角同西式煮法既蕃茄,好juicy呀～
主角黑毛豬扒完全唔韌，咬落仍然嘗到肉汁，肉味保存得唔錯，唔使點汁都夠味～ 原來老闆入既黑毛豬係每塊即切並獨立包裝架！！成本都唔少，可見餐廳對食物既要求～
最後點杯蜜糖紅棗茶～怕甜既我完全覺得合晒心意，因為只帶微甜～感覺健康~哈哈張貼
