初凝 · 芝茶 (已結業)

今日係旺角做完野經開久未踏足嘅旺角中心，昔日學生時期最熱鬧嘅蒲點，心血來潮諗住入去行個圈，旺角除咗有經典嘅格仔鋪、潮鋪外，仲多咗食店corner 嚟引唔少本地小食店進駐。臨走之際諗住買兩杯手搖杯番去慰勞吓甜心，見「初凝。芝茶」標榜以德國鮮奶沖製而唔係用奶精，好似比較健康🙊🙊「初凝。芝茶」其中一款人氣產品梗係芝士奶蓋手搖杯，但小店有數10款品膳嘅飲品，花多眼亂，心大心細之際，店主伸出援手推介咗幾款人氣飲品😆☺️初凝芝。多芒3.5拿鐵🥭初凝芝。藍莓3.5拿鐵🫐兩款分別係用上唔同新鮮水果製成，每杯嘅漸層色都好吸晴，打卡一流，最底層以德國3.5鮮奶再入鮮果打成嘅奶昔，奶味香濃順滑，這大概就係鮮奶同奶精嘅分別，除此之外，creamy 嘅奶昔仲可以食到滿滿鮮果原肉，最頂層就係重點芝士奶蓋，鹹鹹甜甜夠creamy ，同鮮果奶昔係絕配👍🏻👍🏻