影片
更多
2019-02-09
770 瀏覽
襯週末放假先有機會過海食野，即興到左西環先搵餐廳，呢間位於英華臺嘅幸福單品咖啡都有唔少人介紹過。小店一間，唔知平時係咪都咁好生意，當日就全店滿座，最終等左十分鐘左右，期間有唔少熟客外賣。店內裝潢帶啲異國風情，空間唔多，未有細意研究餐牌供應沙律、全日早餐、三文治、麵食、小食等輕食，三文治比較熱門，幾乎每枱都點，以芝士、炒蛋、煙肉、餐肉、青瓜、牛油果、鹹牛肉等搭配，定價$30-50。另有多款飲料，咖啡豆來自世界各地，餐牌有關於豆嘅簡單描述。由於只有夫婦(?)二人主理，客人多，感覺上有啲應接不暇，其實都體諒。餐點即時製作，明白需時等候，冇諗過要食快餐，但都冇預期午餐幾乎變左下午茶，兩份餐點等左超過45分鐘，有啲較遲入座嘅熟客朋友都已上餐食緊野，確實令人幾意志消沉。若然唔係咖啡已上，應該已經離開，差啲同三文治無緣幸福三文治 $35三文治夠大份，厚切五殼包，已分成四小份，方便食用。麵包搽上牛油煎到香口微燶，口感鬆脆，一來等到肚餓，二來即製，簡單美味。除左炒蛋、餐肉，仲有芝士，炒蛋更加可以加配黑芝麻/香草/黑胡椒/薑汁/青蔥。餡料大方足料，炒蛋厚身有蛋香，唔會過老，加埋黑芝麻幾香。餐肉煎到少少燶邊
餐牌供應沙律、全日早餐、三文治、麵食、小食等輕食，三文治比較熱門，幾乎每枱都點，以芝士、炒蛋、煙肉、餐肉、青瓜、牛油果、鹹牛肉等搭配，定價$30-50。另有多款飲料，咖啡豆來自世界各地，餐牌有關於豆嘅簡單描述。
由於只有夫婦(?)二人主理，客人多，感覺上有啲應接不暇，其實都體諒。餐點即時製作，明白需時等候，冇諗過要食快餐，但都冇預期午餐幾乎變左下午茶，兩份餐點等左超過45分鐘，有啲較遲入座嘅熟客朋友都已上餐食緊野，確實令人幾意志消沉。若然唔係咖啡已上，應該已經離開，差啲同三文治無緣
幸福三文治 $35
三文治夠大份，厚切五殼包，已分成四小份，方便食用。麵包搽上牛油煎到香口微燶，口感鬆脆，一來等到肚餓，二來即製，簡單美味。
除左炒蛋、餐肉，仲有芝士，炒蛋更加可以加配黑芝麻/香草/黑胡椒/薑汁/青蔥。餡料大方足料，炒蛋厚身有蛋香，唔會過老，加埋黑芝麻幾香。餐肉煎到少少燶邊，整份三文治食落冇油膩感，呢個價錢收貨
幸福三文治
$35
79 瀏覽
0 讚好
0 留言
瑞士雞翼福麵 $30
福麵等得耐過三文治呢(笑)，聽另一半講，店主俾多左隻雞翼我地。不過對雞翼比較失望，始終等左咁耐，食落都唔熱，勝在滷到入口離骨。相對黎講，都係三文治比較值得試。
凍咖啡 $40想點另一款咖啡豆，但已賣哂，店主建議呢款，好大杯，帶咖啡微酸，有提神作用，另一半就幾鐘意。
只有老闆娘一人負責廚房，出餐速度有待提升，始終餐點唔係高難度三文治本身性價比不俗，欣賞小店嘅用心，唔會馬虎，撇除等候時間，都不失為一間可以回訪嘅咖啡店
張貼
