魚蝦蟹 (已結業)

試咗佢嘅二人套餐，依家二人套餐仲每人有一隻大蝦送。大蝦真係手板咁大隻，蒜蓉味好香，蝦肉彈牙。套餐小食我們選擇了蒸魚肉燒賣配自家製蝦油及時蔬和炸物拼盤雜物拼盤有炸蝦，炸魚，同埋炸餃子，炸得好酥脆，而且碟底唔會有剩餘嘅油。白酒蒜蓉煮花甲有好多好多隻，好香白酒味，花甲好鮮甜。鮮濃蝦湯泡菜鍋湯底有泡菜味，又有鮮蝦味，濃郁得嚟好鮮甜，而且冇味精，可以放心飲，配料有海蝦，魚片，墨魚餅，豬頸，肥牛，金菇同埋雜菜。仲有隻好入味嘅糖心蛋。食到呢度兩個人已經飽到不得了，仲有兩個面可以選擇。我自己就推介蝦籽蝦油撈麵，店家自製嘅蝦油，一啲腥味都冇，剩係得蝦嘅鮮味，重點佢個面煮得剛剛好，煙煙韌韌唔會太腍。唔鍾意食蝦就可以揀香蔥蒜油撈麵，佢個蒜油都係自家製，好香。是日甜品係雪糕泡芙。其實呢個二人餐份量真係好多，一對男女或者兩個女仔好難食得晒，三個人食都可以。如果自己一個人嚟，都可以食個一人餐，一人餐都有好多招牌食物揀。服務親切，店主都會同客人傾吓偈，問吓食物啱唔啱食，見我哋冇叫佢嘅招牌話梅車厘茄仲送咗幾粒俾我哋試吓，又真係幾清新開胃，而且車厘茄係去咗皮，絕對係手工嘢！好難得出街食飯冇味精，仲要好食。