影片
更多
2017-03-05
657 瀏覽
呢日去太子,同朋友試左新野,真係新,原來間小店開左無耐,仲係試業中間店有法式小店既感覺,門口一大塊玻璃,可看到廚師準備食物,感覺整潔企理,相信廚師對潔淨度好有要求同信心同個frd 兩個人叫左2個串燒套餐,各有2串串燒同2款前菜,原來每日廚師會準備唔同前菜,是日前菜有虎蝦沙律溫泉蛋,薯蓉同油封蕃茄(酸酸地幾開胃),咁2個人梗係試晒4款啦主食我地2個都叫左安格斯肉眼法式咸泡芙,間店其實都有安格斯漢堡泡芙,仲平20蚊,不過rib eye實在太吸引,都係唔想同人share個安格斯rib eye泡芙真係好好味,好彩無叫錯,雖然九十幾蚊但個包有成隻手掌咁大(我手掌好長,成6,7吋)塊扒都唔細,差唔多填滿大約五成熟的肉眼扒,入面係微微的酒紅色,嫩得黎有口感又juicy,燒香了的肉眼滲出陣陣牛扒獨有的肉香,塊肉眼有手指咁厚,同埋真係好鮮味,好食過扒房二三百蚊個d扒掛住rib eye爭d唔記得提泡芙以前一直以為泡芙就係日式一堆cream既甜品泡芙,初頭聽咸泡芙以為會怪,原來唔係架,呢個法式咸泡芙有d似少少酥皮既餅乾,係香脆的(好難形容,要自己試下先知)因為未見過其他鋪有,咁得意,咪同廚師八卦下,原來係廚
真係新,原來間小店開左無耐,仲係試業中
間店有法式小店既感覺,門口一大塊玻璃,可看到廚師準備食物,感覺整潔企理,相信廚師對潔淨度好有要求同信心
同個frd 兩個人叫左2個串燒套餐,
各有2串串燒同2款前菜,
原來每日廚師會準備唔同前菜,
是日前菜有虎蝦沙律溫泉蛋,薯蓉同油封蕃茄(酸酸地幾開胃),咁2個人梗係試晒4款啦
主食我地2個都叫左安格斯肉眼法式咸泡芙,
間店其實都有安格斯漢堡泡芙,仲平20蚊,
不過rib eye實在太吸引,都係唔想同人share
個安格斯rib eye泡芙真係好好味,好彩無叫錯,雖然九十幾蚊
但個包有成隻手掌咁大(我手掌好長,成6,7吋)
塊扒都唔細,差唔多填滿
大約五成熟的肉眼扒,入面係微微的酒紅色,嫩得黎有口感又juicy,
燒香了的肉眼滲出陣陣牛扒獨有的肉香,
塊肉眼有手指咁厚,同埋真係好鮮味,好食過扒房二三百蚊個d扒
掛住rib eye爭d唔記得提泡芙
以前一直以為泡芙就係日式一堆cream既甜品泡芙,
初頭聽咸泡芙以為會怪,原來唔係架,
呢個法式咸泡芙有d似少少酥皮既餅乾,係香脆的(好難形容,要自己試下先知)
因為未見過其他鋪有,咁得意,咪同廚師八卦下,
原來係廚師自製的,佢係法國學廚做完野回流就做呢間店
香脆既咸泡芙,配香濃肉眼,仲要加隻流心蛋,真係十個正,我已經打算每次都會叫呢個
我諗下次要帶老公黎,先試到其他款
今次叫既串燒係牛舌同帶子(海鮮串要加錢),
牛舌都厚身幾嫩滑,
帶子1串有3粒類似日式刺身咁大粒, 最鐘意佢無裙邊無內臟個"卜",健康d
另外仲有叫一客2件燒羊架
最後,由廚師推介自家檸檬撻作結(因為賣淨一個,就share),好味好香檸檬味但唔識形容,總之同泡芙一樣係推介
2個人每人2百幾左右(每人叫左杯鮮果汁雪梨西芹汁唔記得影)
今次試新店都幾好味,不過美中不足係間店真係有點小,
得吧枱同6張high chair, 只可以三五知己黎或者外賣,
同埋可能要訂位較好, 好似暫時只做晚市同有2日休息摸門釘機會都有
而家有時真係辛苦做到好鬼頽
第時去開太子,都要買番個安格斯泡芙慰勞下自己先
好過食幾份大XX快餐個D卡紙咁薄牛扒早餐都要三十幾
開心食好野,唔開心又食好野, 係我既快樂之道
(最下圖)原藝檸檬撻
18 瀏覽
1 讚好
0 留言
串燒帶子
18 瀏覽
0 讚好
0 留言
(左起)燒羊架,串燒牛舌,前菜4款
31 瀏覽
0 讚好
0 留言
安格斯肉眼扒法式泡芙
21 瀏覽
1 讚好
0 留言
是日前菜4款:溫泉蛋,油封蕃茄,虎蝦沙律,薯蓉
25 瀏覽
0 讚好
0 留言
張貼
