鳥華亭

營業中

休息中

鳥華亭係日本人開嘅拉麵店，所以啲拉麵係正宗啲嘅👍😄成間鋪比我嘅感覺好親民、係一間好有心嘅小店。我叫咗一碗至極雞白湯拉麵，湯底非常濃郁、好好味！而且麵底可以自由選擇，我就揀咗硬身嗰款，食落去唔會「林啤啤」，有「咬口」的拉麵配搭濃郁的雞湯味，真係好好食、好滿足! 而且雞肉係揀咗雞胸嘅位置，煮得好軟林林，食落去就啖啖肉，好juicy，成個拉麵嘅層次又昇華了😌原來成間鋪頭都係以「食雞」為主，所有拉麵都有「雞」嘅元素。女朋友叫咗魚介雞白湯拉麵，碗麵嘅湯底俾我個碗更加濃郁，因為多咗魚介，所以成碗湯會更加鮮味。佢個碗麵都有雞胸肉、流心蛋，配搭起上嚟好豐富！而女朋友同我都鍾意食硬身嘅麵，佢話配搭係呢個湯底，樣樣野都係好夾！另外叫咗一份魷魚酥，外面脆、裏面軟，好味😋😋😋返工返左成日，夜晚同女朋友食到呢碗拉麵真係好滿足、好開心！溫馨小店，唔會趕人走，慢慢食、慢慢傾計，正！