龍井 (已結業)

琴晚同男朋友去咗龍井食飯～小店主打串燒同煲仔飯🤤為食嘅我哋梗係要入去一試究竟😝坐低一望menu好吸引，有好多選擇🤣睇到我眼花撩亂。最後我哋嗌左個臘腸排骨煲仔飯（$78）串燒就有牛肉串（$18）雞肉串（$15）一口和牛（$36）雞翼（$38）京蔥和牛（$32）燒牛舌（$32）鹽燒羊架（$34）煙肉荔枝卷（$28）秋刀魚（$32）芝士焗西蘭花🥦（$42）等等。嘢飲就嗌左黑糖珍珠鮮奶（$28）薄荷朱古力（$28）同埋乳酸梳打（$28）🙈唔好問點解2個人嗌3杯野飲🤣問就係口渴。值得重點推介嘅係🌟🌟🌟串燒類：雞肉串，烤出嚟一啲都唔乾，好多汁而且雞肉超滑😍 鹽燒羊架，一啲冇羊肉嘅蘇味，好香，加埋烤到焦脆嘅羊油，食落口好滋味😋 京蔥和牛，牛肉味足又大塊，配上京蔥嘅微甜👍🏻臘腸排骨煲仔飯：佢哋個煲仔飯係即燒同煲嘅，所以一上菜熱辣辣，倒豉油落去嘅時候仲會有「滋滋聲」😻 臘腸同排骨嘅油脂同香味融入米飯，超正！而且仲有飯焦！呢個係好多出面啲煲仔飯冇架！😻飲品方面：絕對係黑糖珍珠鮮奶😋🤤係真係用鮮奶制作，而且甜度啱啱好，同市面台式飲品店嘅味道一致😍好飲到