影片
更多
2018-05-21
1483 瀏覽
自從上次到訪後一直念念不忘，今晚做完運動想輕食下，就同朋友黎一償我想試煎餃既心願。平日夜晚8點黎到，門口大約有十人排隊，對於饑腸轆轆既兩個人黎講實在有點難捱，朋友於是決定分頭折返地鐵站附近買少少串燒返黎食住等。 時隔二十分鐘、我地正好鯨吞完最後一啖燒雞脾既一瞬間，終於入得。循例確認左白菜餃賣哂之後，諗起上次食雲耳椰菜肉餃淡到唔太岩口味，所以決定all in韮菜，煎、湯餃各一。煎韮菜肉餃 ($43) 10隻無論係bbq既廚師腸定卡樂B薯片，煎炸至起pop從來都係最高境界，餃子界亦唔例外。 猛火迫出豆皮、傳來陣陣誘人油香既餃子外皮酥脆煙韌，軟滑既肉餡釋出濃烈韮菜香，怒點豉油、浙醋後更加引出肉鮮味。 略嫌多油左少少，勝在熱辣辣香口惹味。韮菜肉湯餃 ($43) 10隻野葛菜煲生魚豬骨湯依然鮮甜無比，湯餃大隻足料、美好如昔。 咁大個人都未試過跌野食落街，當晚手一震，滑溜湯餃居然由匙羹直接跣左落地下，當堂自覺拍緊皆大歡喜咁浮誇。縱然平時食野都係有咁熱氣得咁熱氣，但自己黎獨食既話，我必定會為左個湯底棄煎取湯餃，如果可以煎餃另送一碗湯就完美喇。不得不提台上自取既菜莆爽口惹味，入座時阿姐剛好換左樽新既過
平日夜晚8點黎到，門口大約有十人排隊，對於饑腸轆轆既兩個人黎講實在有點難捱，朋友於是決定分頭折返地鐵站附近買少少串燒返黎食住等。 時隔二十分鐘、我地正好鯨吞完最後一啖燒雞脾既一瞬間，終於入得。
循例確認左白菜餃賣哂之後，諗起上次食雲耳椰菜肉餃淡到唔太岩口味，所以決定all in韮菜，煎、湯餃各一。
煎韮菜肉餃
$43
37 瀏覽
1 讚好
0 留言
無論係bbq既廚師腸定卡樂B薯片，煎炸至起pop從來都係最高境界，餃子界亦唔例外。 猛火迫出豆皮、傳來陣陣誘人油香既餃子外皮酥脆煙韌，軟滑既肉餡釋出濃烈韮菜香，怒點豉油、浙醋後更加引出肉鮮味。 略嫌多油左少少，勝在熱辣辣香口惹味。
煎韮菜肉餃
$43
32 瀏覽
0 讚好
0 留言
煎韮菜肉餃
$43
18 瀏覽
0 讚好
0 留言
韮菜肉湯餃 ($43) 10隻
野葛菜煲生魚豬骨湯依然鮮甜無比，湯餃大隻足料、美好如昔。 咁大個人都未試過跌野食落街，當晚手一震，滑溜湯餃居然由匙羹直接跣左落地下，當堂自覺拍緊皆大歡喜咁浮誇。
韮菜肉湯餃
$43
18 瀏覽
0 讚好
0 留言
19 瀏覽
0 讚好
0 留言
15 瀏覽
1 讚好
0 留言
全日任何時段都人流不絕、禮拜日定休依然圍到皮，可見呢度既餃子同湯底的確係有過人之處。 可能受租金影響，原來年幾前同一款餃子只係賣緊$38，對於有意成為常客既我黎講，希望呢度走返良心小店既風格，未來幾年繼續食到貼地既餃子就好喇。
張貼
