影片
更多
2016-09-29
680 瀏覽
平日素間德美壽司既大名 今日就腳就黎試一試十二點左右入座食飯時間未開始九成都係吉位黎一坐低服務員已經講定話用膳時間得六十分鐘不過理解既 始終鋪頭唔大 又係人流咁旺既位置想做多轉生意都無可厚非點左兩個lunch set好快就上左沙律 味噌湯 同埋茶碗蒸蛋雖然無影到 不過質素係中上水平沙律細細碟 但有齊粟米粒 蘿蔔絲 生菜 紫椰菜 同蕃茄片加左啲醋作為調味 少少酸 幾開胃味噌湯香濃而唔會過咸 有少少葱花海帶用黎增味茶碗蒸蛋真係最令人驚喜😍蒸蛋好滑溜唔在講仲加左瘦肉粒 香菇粒 同蟹肉作為材料哩三樣簡單既前菜其實大可以頹整但佢係用料同味道上絕對唔馬虎淨係咁已經可以睇得出鋪頭既用心👍刺生丼黎喇 有三文魚魚帶子 上面洒左少少蟹子加埋隻流心蛋成個賣相靚哂😍刺身唔算好靚 尚算鮮甜蛋既熟度係完美 只係稍嫌壽司飯既醋味重左少少☺鰻魚底下有少少蛋絲咬落有陣焦香味肉質軟熟唔梅鰻魚醬汁濃香唔會太濕唔會浸淋哂啲飯😊但如果再多啲就好喇食到後面唔夠配飯😅最後上埋甜品今日既甜品係鮮奶燉蛋白上面加左啲芒果汁下面少甜 上面少酸 岩岩好中和左😜日本人做事講究既係一絲不苟我係哩一餐午飯中確確實實感受到哩種嚴謹既煮食態度係香港
今日就腳就黎試一試
十二點左右入座
食飯時間未開始
九成都係吉位黎
一坐低服務員已經講定話用膳時間得六十分鐘
不過理解既
始終鋪頭唔大 又係人流咁旺既位置
想做多轉生意都無可厚非
點左兩個lunch set
好快就上左沙律 味噌湯 同埋茶碗蒸蛋
雖然無影到 不過質素係中上水平
沙律細細碟
但有齊粟米粒 蘿蔔絲 生菜 紫椰菜 同蕃茄片
加左啲醋作為調味 少少酸 幾開胃
味噌湯香濃而唔會過咸
有少少葱花海帶用黎增味
茶碗蒸蛋真係最令人驚喜😍
蒸蛋好滑溜唔在講
仲加左瘦肉粒 香菇粒 同蟹肉作為材料
哩三樣簡單既前菜
其實大可以頹整
但佢係用料同味道上絕對唔馬虎
淨係咁已經可以睇得出鋪頭既用心👍
刺生丼黎喇 有三文魚魚帶子 上面洒左少少蟹子
加埋隻流心蛋
成個賣相靚哂😍
刺身唔算好靚 尚算鮮甜
蛋既熟度係完美
只係稍嫌壽司飯既醋味重左少少☺
鰻魚底下有少少蛋絲咬落有陣焦香味
肉質軟熟唔梅
鰻魚醬汁濃香唔會太濕
唔會浸淋哂啲飯😊
但如果再多啲就好喇
食到後面唔夠配飯😅
最後上埋甜品今日既甜品係鮮奶燉蛋白上面加左啲芒果汁
下面少甜 上面少酸 岩岩好中和左😜
日本人做事講究既係一絲不苟
我係哩一餐午飯中確確實實感受到哩種嚴謹既煮食態度
係香港哩個急促既城市
哩個價錢
可以品嚐到哩種質素既料理
賣相精美 味道講究
而且環境唔錯 坐得舒服
怪唔知走既時候已經滿哂座仲有人等位
值得一讚👍👍👍
張貼
