影片
更多
2023-02-11
46 瀏覽
前晚係將中探完朋友，諗住食埋晚飯先番屋企，落到樓下發現都幾多餐廳揀，而係芸芸咁多間之中只得一間叫四寶食堂係有超過10個人排隊，香港人最鐘意就係排隊(包括我)，咁順理成章就揀左四寶食堂。首先送上燉湯，今晚係雪耳蘋果無花果燉豬展，飲一啖已經感受到蘋果同無心果帶出的清甜，絕對係無味精，同埋都幾足料。而前菜係醬油煮牛筋，炆到入晒味軟淋淋的感覺，味道唔算過鹹，食落去有爽彈的感覺。四寶食堂晚市係主打小菜，今次就叫左呢度比較出名的湖南土匪鮑魚雞煲，用料方面都唔係求其，鮑魚都俾左3粒! 係出面食雞肉最驚就係雪味重，有時就算重口味都係會食到呢種味。呢度絕對係「零」雪味，餣得好好，份量亦唔少。最重要個濃郁的醬汁送飯一流!之後就叫左山渣汁菠蘿咕嚕西班牙黑豚肉，一上枱已經到拔絲的效果，由於用左西班牙黑豚肉，食到外脆內軟的感覺，而且無肉騷味! 而菠蘿就用上新鮮菠蘿，而家應該因為擺盤比較靚所以分開咁放，如果撈埋山渣汁可以炒埋就更加正! 最後就叫多一個星加坡黑醬油胡椒粉絲大蝦煲，一上枱已經聞到胡椒香味，大蝦肉質比較實，證明用料唔錯! 但重點當然係入晒黑醬油味的粉絲，食到停唔到口!總體黎講，呢度環境比較乾淨，餸菜多元
首先送上燉湯，今晚係雪耳蘋果無花果燉豬展，飲一啖已經感受到蘋果同無心果帶出的清甜，絕對係無味精，同埋都幾足料。而前菜係醬油煮牛筋，炆到入晒味軟淋淋的感覺，味道唔算過鹹，食落去有爽彈的感覺。
四寶食堂晚市係主打小菜，今次就叫左呢度比較出名的湖南土匪鮑魚雞煲，用料方面都唔係求其，鮑魚都俾左3粒! 係出面食雞肉最驚就係雪味重，有時就算重口味都係會食到呢種味。呢度絕對係「零」雪味，餣得好好，份量亦唔少。最重要個濃郁的醬汁送飯一流!
之後就叫左山渣汁菠蘿咕嚕西班牙黑豚肉，一上枱已經到拔絲的效果，由於用左西班牙黑豚肉，食到外脆內軟的感覺，而且無肉騷味! 而菠蘿就用上新鮮菠蘿，而家應該因為擺盤比較靚所以分開咁放，如果撈埋山渣汁可以炒埋就更加正!
最後就叫多一個星加坡黑醬油胡椒粉絲大蝦煲，一上枱已經聞到胡椒香味，大蝦肉質比較實，證明用料唔錯! 但重點當然係入晒黑醬油味的粉絲，食到停唔到口!
總體黎講，呢度環境比較乾淨，餸菜多元化，基本上都可以滿足晒唔同人的要求，最重要係餸菜絕對唔馬虎，用料一流! 唔怪之閒日去到8點都仲有咁多人排隊，果然係要相信民間智慧!
張貼
