影片
更多
2024-01-18
197 瀏覽
餐廳：101 Binary (天后)地址：天后清風街16號地舖最近成日需要去中央圖書館搵個靜靜哋嘅空間做嘢同上堂，一到Lunch Break時間真喺好需要走出去透吓氣同飲杯咖啡提神🤩，今次去咗維園附近清風街一間主打精品咖啡同新式西餐嘅cafe——101 Binary食晏同嘆啡☕️Cafe開咗兩年有多，佢哋久唔久都鍾意換吓新意，最近轉咗新menu，午市叫一款主食除咗送是日餐湯之外，亦可以用半價加購Cafe嘅手沖咖啡/黑白咖啡😍，簡直啱晒我呢啲無啡不歡嘅人是日餐湯每日都唔同，我去嗰日喺大蔥薯仔湯，將薯仔磨成蓉🥔，加入蒜🧄、洋蔥🧅、香草🌿、大蔥等，飲落綿滑得嚟有少少顆粒口感🤏，薯香之中帶有輕而唔會太搶味嘅香料香味✝️Egg韓式泡菜忌廉意粉配溫泉蛋 $108可以話喺韓式Fusion版嘅Carbonara🍝，將新鮮溫泉蛋撈勻忌廉意粉，帶嚟傳統卡邦尼意粉嗰種滑溜豐盈而不膩口感，蛋香仲中和埋韓式泡菜嗰種嗆喉辣感🌶，食落出奇地唔太辣亦好順喉👍，加上蘆筍、泡菜、洋蔥呢啲爽口配搭，食落層次更加豐富值得一提，Cafe所有咖啡豆都喺買返嚟自己生炒同混合成自家配方，叫咗個是日特選手沖——動態厭氧過嘅哥倫比亞Ombl
地址：天后清風街16號地舖
最近成日需要去中央圖書館搵個靜靜哋嘅空間做嘢同上堂，一到Lunch Break時間真喺好需要走出去透吓氣同飲杯咖啡提神🤩，
今次去咗維園附近清風街一間主打精品咖啡同新式西餐嘅cafe——101 Binary食晏同嘆啡☕️
Cafe開咗兩年有多，佢哋久唔久都鍾意換吓新意，
最近轉咗新menu，午市叫一款主食除咗送是日餐湯之外，亦可以用半價加購Cafe嘅手沖咖啡/黑白咖啡😍，簡直啱晒我呢啲無啡不歡嘅人
是日餐湯每日都唔同，我去嗰日喺大蔥薯仔湯，將薯仔磨成蓉🥔，加入蒜🧄、洋蔥🧅、香草🌿、大蔥等，飲落綿滑得嚟有少少顆粒口感🤏，薯香之中帶有輕而唔會太搶味嘅香料香味
✝️Egg韓式泡菜忌廉意粉配溫泉蛋 $108
可以話喺韓式Fusion版嘅Carbonara🍝，將新鮮溫泉蛋撈勻忌廉意粉，帶嚟傳統卡邦尼意粉嗰種滑溜豐盈而不膩口感，
蛋香仲中和埋韓式泡菜嗰種嗆喉辣感🌶，食落出奇地唔太辣亦好順喉👍，加上蘆筍、泡菜、洋蔥呢啲爽口配搭，食落層次更加豐富
值得一提，Cafe所有咖啡豆都喺買返嚟自己生炒同混合成自家配方，叫咗個是日特選手沖——動態厭氧過嘅哥倫比亞Ombligon(半價$35)，香味以荔枝同櫻桃果香為主🍒。
咖啡師沖調完之後連同1 Set品嘗手沖咖啡嘅工具送上枱，包括裝住咖啡嘅咖啡壺；比你用嚟聞、磨碎咗嘅咖啡豆；
1/3/5次燒製而成老岩泥咖啡杯；同玻璃杯。同一壺手沖咖啡，用唔同杯去飲會有唔同風味，
甜啲、柔和啲、順口啲、果酸味香啲，果然夠晒特別同誠意，出面好多賣手沖咖啡嘅Cafe或者咖啡店都未必有咁齊全嘅工具，至於用咩杯飲到咩味就要你自己過嚟試吓喇😎
走之前叫多杯Flat White($44)，咖啡豆喺淺烘焙自家配方，混合咗哥斯達黎加日曬豆同埃塞俄比亞花魁水洗豆，用啡奶1比6嘅比例沖調，飲落奶香比較出同較醇滑🥛，如果鍾意啡味出啲嘅可以揀Flat White，比例唔同相信又喺另一種享受😙
張貼
