Cafe Flower (已結業)

一間細小嘅店舖經營咗一段好長嘅時間，可惜敵不過香港寸金尺土、食材昂貴及租金上漲關係，最終都係走上結業嘅不歸路。小店就在銅鑼灣中央圖書館銅鑼灣中央圖書館停車場出口對面（摩頓臺），朋友叫了漢堡包，我叫了沙律，雖然對上一次幫襯已經係好多年前，但感覺食物嘅水準依然可以維持，而今時今日香港嘅狀況呢個堅持並不容易，由於進入店舖時看到店舖將於2025年1月21號停止營業，所以食完沙律之後即時再叫一個漢堡包，仍然覺得食物材料新鮮質量高，從食物中你感覺到廚師用心嘅料理及老闆娘嘅服務非常之咁體貼到位而且專業，我簡單評語就係食材令你食得愉快，別出心裁心形湯碗亦好吸引。後邊老闆娘見我哋再叫多一個漢堡包，亦都特別幫我嘅朋友升級咗跟餐嘅咖啡，又普通嘅咖啡成為蒸餾咖啡，我自己飲咗老闆娘介紹嘅一個熱花茶，大家可以睇圖片。希望大家喺結業之前可以去幫襯一下，亦都希望佢可以盡快喺新嘅地方重新開業，呢一篇文章唔係打手文章，我經常喺香港唔同地方試唔同嘅餐廳同埋食材，算係一個腌尖嘅人，我能夠稱讚嘅餐廳一定係有非常好嘅水準，無論係食材同埋服務方面，而且我亦都經常出差外國，所以能夠相對比較客觀去對食材用料及服務環境作出個人嘅評價，大