影片
更多
2024-06-03
187 瀏覽
喺尖東搵嘢食真係好頭痛，一街都係食肆，完全唔知點揀。經過雲香園門口，啱啱有客人食完出嚟，聽到其中1人講：啊呢間真係唔錯喎，個酸辣湯底唔係死酸死辣果種，味道夠濃…………。既然講到咁，我又未諗到食咩，一於試吓先。叫左個小鍋米線加左腐竹、魚肉春卷；另外再叫埋蒜泥白肉、芥蘭，加埋杯大檸樂消暑降溫。 小鍋米線真係如剛才嘅食客所講，湯底味極濃，微微帶酸，而我揀左小辣，相比起其他米線連鎖店呢度小辣彷如bb辣，極易入口，下次可以挑戰辣度再高一點。講返個湯，牆上寫明係老火慢熬6小時，我相信都應該係，因為飲得出唔重味精，唔會涸喉，而且帶有肉香味同重香料味。加上酸度適中，湯底真心高分。魚肉春卷亦值得一讚，因為勁大條，咬落又唔會覺得剩係得舊粉團咁，味道都ok。 小鍋米線縱然都算係高分之作，但本人今餐至愛係蒜泥白肉。d蒜蓉真係多到嘩嘩聲！真係名乎其實嘅蒜泥，完全把豬腩肉蓋過，我呢個蒜頭控一見上枱，已急不及待𢳂了滿滿的一啖蒜蓉送入口，勁香蒜味，雖然顏色幾深，但又唔會好鹹喎，鍾意食蒜嘅記住一定要帶香口膠，因為真係好多蒜，食唔停口。食左濃味嘅小鍋米線，仲有重口味嘅蒜泥白肉，芥蘭就刻意要左走汁，清清爽爽，平衡返口味至得
既然講到咁，我又未諗到食咩，一於試吓先。
叫左個小鍋米線加左腐竹、魚肉春卷；另外再叫埋蒜泥白肉、芥蘭，加埋杯大檸樂消暑降溫。
小鍋米線真係如剛才嘅食客所講，湯底味極濃，微微帶酸，而我揀左小辣，相比起其他米線連鎖店呢度小辣彷如bb辣，極易入口，下次可以挑戰辣度再高一點。講返個湯，牆上寫明係老火慢熬6小時，我相信都應該係，因為飲得出唔重味精，唔會涸喉，而且帶有肉香味同重香料味。加上酸度適中，湯底真心高分。魚肉春卷亦值得一讚，因為勁大條，咬落又唔會覺得剩係得舊粉團咁，味道都ok。
小鍋米線縱然都算係高分之作，但本人今餐至愛係蒜泥白肉。d蒜蓉真係多到嘩嘩聲！真係名乎其實嘅蒜泥，完全把豬腩肉蓋過，我呢個蒜頭控一見上枱，已急不及待𢳂了滿滿的一啖蒜蓉送入口，勁香蒜味，雖然顏色幾深，但又唔會好鹹喎，鍾意食蒜嘅記住一定要帶香口膠，因為真係好多蒜，食唔停口。
食左濃味嘅小鍋米線，仲有重口味嘅蒜泥白肉，芥蘭就刻意要左走汁，清清爽爽，平衡返口味至得。雖然全走，但菜入口清甜，唔怕淡口無味道。
舖頭細細，但食得出食品真係有用心經營。本人嘅米線記錄薄又可以加多一間啦。
張貼
