Chill Sweet (匯景商場) (已結業)

小編依晚做完嘢，去咗匯景商場搵宵夜食～ 經過見到依間小店貼咗好多🐨應援物，再見到店內只有一個女生默默地做，決定幫襯買糖水、甜品做宵夜 💪🏻 🥛️ 薑汁桃膠鮮奶 (熱) 😋😋😋😋😋店主熱辣辣煲起鮮奶，小編等糖水稍涼十分鐘，入口溫度啱啱好👍🏻 薑汁鮮奶微甜，飲落好順，薑汁味唔會太辣太嗆口～ 桃膠質地比啫喱結實少少，滑捋捋～ 天氣微涼飲嘅時候，依款糖水幾暖胃 ☺️🍪 焙茶麻糬布朗尼 😋😋😋😋好濃郁嘅焙茶味道，茶香會喺口腔停留～ 😚Brownie口感扎實而又少少漿口，每一舊內有小量麻糬，一盒有五舊，份量算多，含糖量高 😁 小編最後分開兩餐當小食～宵夜 💵💵 約港幣$60/人 💁🏻‍♀️ 小店提供多款糖水、甜品選擇，主要係外賣自取，價錢十分公道～ 平日夜晚8點半左右去到，見到店主自己一個左忙右忙，稍等十幾分鐘就ok～ 🙆🏻‍♀️ 最後，喜歡嘅話，歡迎follow @foodirectory.hk！