影片
更多
2012-08-21
8 瀏覽
時時話寫食評結果都懶得寫，今次終於搵到間餐廳令我非出手不可。Book位前已經時時留意住食評，因為都已經中過唔少團購既伏。然而團購券已入手，就算明知呢間嘢有好大機會中伏都已經無法子唔嚟領一領教。先講一講Book位，過程異常順利，煩少一樣已經好好。Book咗14/8 20:00兩位，未夠鐘已經到咗門口，不過接待處係長期無人既，所以我哋企咗一陣都無人理。之後搵到人喇，好彩未夠八點都俾我哋入去坐，坐晌對正門口嗰張檯，一坐底睇睇會唔會有啲咩花生呀餐前小食拎嚟先，好彩又無喎。跟手就俾咗團購張Menu我哋先。一路睇隔離企咗個疑似老細不停sell我哋加$20+去"Upgrade"個湯。又話個個都係揀北京填鴨你哋都係架啦..又話加$20就可以有個二食咁。為咗唔想佢一路企晌隔離騷擾我哋，所以叫咗佢幫我哋落咗小籠包雞軟骨青瓜各一，同埋酸辣湯豆腐肉碎湯各一先。點知佢轉頭連個Menu都收起埋唔俾我哋再睇，Um..咁即係咩意思呢?我哋都費事再煩再諗，就諗住叫咗北京填鴨+二食同埋一個咕嚕肉啦。點知原來揀咗北京填鴨就無得揀第二樣..咁個Menu又話一人可以揀一樣既?!都算..個伏唔中都中咗..咁就要北京填鴨+鴨鬆生菜
Book位前已經時時留意住食評，因為都已經中過唔少團購既伏。
然而團購券已入手，就算明知呢間嘢有好大機會中伏都已經無法子唔嚟領一領教。
先講一講Book位，過程異常順利，煩少一樣已經好好。
Book咗14/8 20:00兩位，未夠鐘已經到咗門口，不過接待處係長期無人既，所以我哋企咗一陣都無人理。
之後搵到人喇，好彩未夠八點都俾我哋入去坐，坐晌對正門口嗰張檯，一坐底睇睇會唔會有啲咩花生呀餐前小食拎嚟先，好彩又無喎。
跟手就俾咗團購張Menu我哋先。一路睇隔離企咗個疑似老細不停sell我哋加$20+去"Upgrade"個湯。
又話個個都係揀北京填鴨你哋都係架啦..又話加$20就可以有個二食咁。
為咗唔想佢一路企晌隔離騷擾我哋，所以叫咗佢幫我哋落咗小籠包雞軟骨青瓜各一，同埋酸辣湯豆腐肉碎湯各一先。
點知佢轉頭連個Menu都收起埋唔俾我哋再睇，Um..咁即係咩意思呢?我哋都費事再煩再諗，就諗住叫咗北京填鴨+二食同埋一個咕嚕肉啦。
點知原來揀咗北京填鴨就無得揀第二樣..咁個Menu又話一人可以揀一樣既?!
都算..個伏唔中都中咗..咁就要北京填鴨+鴨鬆生菜包啦。
同埋一個要白飯一個要薄餅。
酸辣湯味道尚可不過唔熱既，豆腐肉碎湯就比較清啲好飲啲。
個惹味青瓜對我哋兩個嚟講真係一啲都唔惹味，所以食咗一碟就夠喇。
小籠包第一次嚟得兩粒，以為佢每次都會係兩粒兩粒咁嚟啦，咁就再叫多次小籠包同雞軟骨。
點知今次嚟係一籠八隻，啲小籠包個樣都好似有啲唔同咗。
個北京填鴨唔記得影相唔好意思，其實係得十片左右，啲薄餅皮都幾厚。唔見得有幾好食，更加唔明點解要兩張$78既團購券先至換得到呢啲咁既份量咁既質素既嘢?!
食到呢喥我男朋友忽然超級胃痛..我唔知關唔關呢喥啲食物事，好彩有胃藥傍身。
之後嚟既鴨鬆生菜包又估唔到幾好味，份量唔多，不過$20嚟講既話都幾抵。
飲品就要咗一個凍檸茶一個凍奶茶，飲品係合格既。
唔係好知自己食過咩咁，所以再食多次小籠包同雞軟骨。
最終我哋兩個人係食咗18粒小籠包+3份雞軟骨同一份青瓜，但係想講個白飯到尾都無出現過。埋單諗住俾個鴨鬆生菜包$20+$2就走得啦，點知.....原來佢講既+$20係每人加$20，即係埋單要俾$44先走得!!!
完全無諗過每人俾$100食啲咁既嘢..食物正正常常普普通通，不過經營手法實在存在好大問題。
真係不可一、不可再。
張貼
