Four X Four

營業中

休息中

一間隱藏喺大圍屋村嘅小店，平日嘅夜晚都坐滿人。環境幾適合同朋友傾吓計，坐得幾舒服，食物擺盤都好精緻。 餐湯 + 煙三文魚沙律叫咗兩個set dinner，餐湯粟米湯有驚喜！飲落香甜，仲食到粟米粒碎，有自家製感覺。沙律上面嘅煙三文魚份量都幾多。特濃牛肝菌黑松露扁意粉配雞樅菌 見好多枱都有叫呢款，放低聞到幾香，醬汁濃稠足夠掛汁，意粉煙韌有咬口。雞樅菌好特別，第一次食，食落幾爽口。秘製香草蕃茄忌廉意大利飯配慢煮豬柳梅叉燒·溫泉蛋平時比較少試蕃茄口味嘅意大利飯。整體醬汁偏濃唔會太酸，叉燒厚切但食落軟身，同溫泉蛋好夾。菠蘿白桃沙冰Dirty我嗌嘅菠蘿白桃沙冰好精緻，質地綿滑，清爽唔太甜！