鮨森日本料理 (已結業)

Sushi Mori，一間本人幾欣賞既日本料理！午飯時間，店內頗為多人，好彩訂咗位，所以唔洗等！Lunch menu既選擇頗多，由百幾至四百幾都有，豐儉由人！（定食包括了：蒸蛋、主食、麪豉湯或烏冬或蕎麥麫、仲有甜品），而我選擇了12件壽司定食！坐喺bar枱，師傅會先問你有咩唔食，如果冇特別要求，那會由師傅自己發板！左口魚、鯖魚、三文魚籽、赤貝、Toro、海膽、仲有......好多魚名唔記得！師傅會耐心介紹每件壽司既名稱，逐件逐件放喺你面前，等你慢慢品嘗佢既after taste!每件食材都好新鮮，尤其Toro，油份充足，無筋，入口即溶，十分肥美！鮮甜爽脆既赤貝，師傅用刀在上面劃了花紋，增加了口感！鹽水海膽，並唔係平時食既木板海膽，帶有少許海鹽味，沒有腥臭味！值得一提：呢度既壽司飯並唔係普通醋白飯，醬油色既壽司飯，令每件壽司，不用點豉油亦提升了鮮味！平時食既壽司薑，大多切成薄片，但呢度啲薑，會切成厚片，更是師傅自製的！用心經營既日本料理已買少見少，鮨森-值得推介！