滑蛋仔 (已結業)

街坊的介紹下試試滑蛋仔。係條街搵咗一陣都唔見掛住〝滑蛋仔〞招牌,原來只係戙住個好大塊滑蛋蓋飯餐牌,相信佢未移除上手招牌。外賣買了牛魔王滑蛋蓋飯及麻香墨魚滑蛋蓋飯,需要等小小時間,其實佢地有預訂服務,咁就唔洗等咁耐。佢地只係開下午6-11點,而且我鐘意佢地響應環保。牛魔王滑蛋蓋飯味道,牛同蛋的份量足夠。蛋真係滑碌碌架,牛肉有三塊,但係有少少鞋,不過都好好味;麻香墨魚滑蛋蓋飯,墨魚同蛋的亦算足夠,不過如果少少墨魚會更加好囉。蛋亦都係滑碌碌, 墨魚有麻香味道,爽爽辣辣。每盒飯附上一小盒甜鼓油,如果加咗比好食。