哈豆

營業中

休息中

又嚟介紹觀塘美食，觀塘好多工廈餐廳，我成日睇openrice搵啲隱世餐廳嚟食，好食嘅就介紹埋畀同事，今日試咗呢間叫哈豆台灣料理餐廳，今日啲同事出曬去做嘢得我自己一個食，就叫份一人套餐，呢度係用手機落單，望落去樣樣都幾啱食，好多台灣街頭小食，花多眼亂就叫咗個椒鹽排骨肉燥麵套餐，加杯胚芽豆漿，椒鹽排骨喺新鮮炸起熱辣辣，真係外脆內軟啖啖肉好juicy，個麵係扁身嘅白色粗面，有少少肉燥，菜，同半隻蛋，一人份量啱啱好。聽講呢度老闆係台灣人，餐廳裏面好多特色畫作，睇得出老闆好用心經營，下次再帶埋同事嚟試下其他嘢食。