鳥山。商號 (已結業)

假期難得約到好耐冇見嘅中同師姐聚一聚，就嚟到呢間木系小清新嘅cafe傾偈catch up下～Cafe走簡約文青風，除左望住咖啡師嘅bar檯、仲有高檯、矮餐桌同榻榻米，牆身掛滿介紹踩單車出走台灣路線嘅展覽，仲有可以比客人當souvenir推廣台灣旅遊嘅postcard，搞到我地極懷念可以去台灣旅行嘅日子～咖啡選擇有好多，我地order左有趣的咖啡系列嘅crispy caramel cappuccino 同 house-blend dirty。甜品都超吸引，叫左台中大甲芋泥卷，期間限定嘅茉莉青葡萄乳酪蛋糕同十勝紅豆大白兔卷蛋。芋泥卷散發著濃濃嘅台灣氣息，茉莉青葡萄乳酪蛋糕好fresh唔會好heavy。個人大愛十勝紅豆大白兔卷蛋，大白兔糖簡直係兒時嘅回憶！誰是滷肉飯最夠gimmick～有真滷肉飯，又有以假亂真嘅甜品偽滷肉飯，一次滿足兩個願望！滷肉嘅精髓係軟綿綿入口即融，而呢個真滷肉飯就做到！甜品滷肉飯係扮成滷肉嘅金鑽鳳梨蛋糕伴焦糖鳳梨醬，加扮成飯嘅脆米粒，幾得意～店主們用心經營，加入創新/人性化嘅新元素，我地去cafe個日咁啱遇上佢嘅「一日店長」計劃，係店主們邀請好友兼旅遊達人到cafe體驗