Mana Thai Kitchen (已結業)

今日約咗朋友食飯，朋友喺灣仔返工，所以就提議直接喺灣仔晚飯，朋友話佢同事試過呢間泰國餐廳好好味 所以我哋都嚟試一試。到餐廳首先要上樓梯，職員應該都是泰國人，不過也能用廣東話溝通，我哋叫咗以下菜式:牛肉船麵，我一向好鍾意食船麵，而且上網睇過好多人喺呢度叫船麵，船面好多料，有牛腩，牛筋，肥牛，牛丸，非常豐富。牛筋真係炆得好腍，啫喱狀，非常好味。牛腩同樣都好腍，麵個湯底好濃郁，夠杰身，而且帶點微辣 ，很有驚喜。炒金邊粉，金邊粉配上三隻大蝦，大蝦爽口彈牙，金邊粉炒得夠乾身，酸味適中，旁邊配有花生碎，青檸，芽菜同辣椒碎 ，最驚喜係有蝦米，非常惹味。炒通菜，呢碟通菜非常大碟，食到好滿足，而且菜亦都好新鮮，食得好滋味。炸雞翼，餐廳好細心咁將雞翼剪成單骨，方便客人進食 ，配上泰式醬，而且雞翼熱辣辣，炸得非常香口，雞翼夠嫩滑，非常美味 。飲品方面我哋叫咗泰式奶茶同埋凍檸茶，外表上非常吸引，亦都好好味。埋單嗰陣侍應會問我哋覺得食物好唔好味，睇得出餐廳用心經營，值得一讚。