月禾居串燒手打鳥冬 (已結業)

今日係Blue Monday，真係好想繼續放假呀！雖然工作過後好累，但約左一班好姊妹出黎聚舊，心情特別興奮呀！我就搵左一個中間點，聽講係旺角黑布街附近有好多款唔同類型既中西日美食，咁我就決定揀間日本餐廳試下，黎到呢間月禾居手打烏冬，雖然舖仔細細，但係一行入去已經有一種小日本既感覺。坐低之後望下個餐牌，價錢一啲都唔貴，實在係一大驚喜！急不及待要打開個餐牌欣賞下入面嘅美食，嘩睇見到都流哂口水呀，我地最尾決定一人叫一個烏冬再加適量嘅小食，實行要填滿我地空虛嘅心靈，好快第一碗蕃茄湯底嘅什錦鍋仔烏冬已經出爐喇，真係同餐牌入面嘅圖片係一模一樣架！急不及待要起筷喇！蕃茄湯底嘅味道非常濃郁，簡直可以刺激到我嘅味蕾呀！而且配料又豐富；朋友叫左一碗豬骨湯海鮮烏冬， 足料，豬骨湯味道夠濃！絕對得上係人間極品，令我彷如置身係日本一樣。再來一客三交魚刺身，厚切既三文魚咬落去既時候實在係太有口感喇，而且肉質結實又有彈性，口感極好而且有好香嘅魚鮮味！當然唔少得嘅係胡麻豆腐沙律，清新滋味！享用完呢間小日本餐廳之後，我覺得我已經唔駛去日本搵食喇！我相信好多人都知道日本人對食好有要求，正如呢間餐廳一樣，只係會提供高質素既