珍姐廚房

營業中

休息中

今日過開天后圖書館，睇睇下書又到天黑，又係買外賣返屋企食嘅時候了～ 經過浣紗街嗰邊，見到呢一間珍姐廚房，見到人等緊外賣，望一望餐牌，以家庭小菜為主，有魚丶有雞亦有碟頭飯，仲有糖水添！今日就試咗香煎蓮藕餅同埋菠蘿生炒骨，等咗一陣就拎返屋企啦～兩碟小菜都熱辣辣，菠蘿生炒骨 夠晒多菠蘿🍍，同埋青椒🫑丶黃椒丶紅椒 顏色鮮艷，令人食慾大增 味道唔會過酸，調味啱啱好，配上爽脆生炒骨食，勁好送飯！另外香煎蓮藕餅有八大塊，蓮藕味道十足，彈牙又好吃😋呢間店舖俾人家庭小店嘅感覺，足料好食，下次試吓啲糖水先🤩