Plato Cafe & Bistro (吳松街)

自從油麻地分店關門之後，好耐都無食過，終於有時間去食另一分店😆未入門口就見到MC(裝飾)，有一刻以為佢做咗餐廳代言人😂今日比較肚餓，所以懶得諗太多就叫咗個二人餐。先上是日餐湯蘑菇湯，係記憶中自家製蘑菇湯嘅味道，唔係坊間有啲只會飲到忌廉或奶味，證明足夠真材實料製作😋跟餐飲品除咗一般嘅奶茶咖啡，仲可以選擇冰果茶、蜂蜜柚子茶，仲唔使額外加錢。日式天婦羅魷魚新鮮製造，食嘅時候仲熱辣辣，本身都有咸味，係唔錯嘅開胃菜。如果食到中途想轉味道，可以點附送嘅沙律醬，即刻似食魚柳包嘅味道😙北海道帶子松露野菌意大利粉好欣賞佢上枱嘅時候夠熱，對於只係稱得上暖嘅意粉，真係仲未識欣賞🤦‍♀️每啖都食到松露嘅味道，絕對係讚👍原本想食法國燒春雞，不過咁啱賣晒，就改為西班牙黑毛豬鞍。見到咁厚嘅豬鞍，仲擔心佢會又”鞋”又”靭”，食落無啲咁嘅問題，比德國米芝蓮一星嘅豬扒仲好食，配埋個蘋果醬，真係perfect match😌最後個甜品係提拉米蘇，比想像中大份🤩哩餐絕對係滿足嘅一餐。