發記粉麵小炒 (已結業)

呢日朋友黎左我屋企到探我，我地中午去左附近一間新開既茶餐廳到食lunch。打開餐牌，見到呢到有好多好吸引既港式小菜！首先，我地點左涼拌海茸，呢碟涼拌菜好特別，我地之前都未聽過海茸呢樣野，佢食落去好爽口，配埋酸酸辣辣既醬汁，好開胃！另外仲點左炸蠔餅，呢個炸蠔餅好特別，同潮式既蠔餅好唔同，佢唔會好油，啲蠔好新鮮，又炸到好香脆，勁正！仲配埋啲炸菠菜。最後，仲點左沙拉骨，排骨煮到好惹味，配埋特製沙拉醬，正！熱奶茶好香滑！