千府·居食屋 (已結業)

早排經過都未開, 今晚經過見到試業中, 和式風格既裝修仲未完成, 裡面只差點裝飾品. 清酒款式都唔少, 而且鄰近旺角站, 相信會成為飲酒吹水好地方.初戀富士呢款飲品係期間限定, 打燈後出現好靚既富士山藍色, 完全係打咭重點, 杯頂係蘋果味既煙水泡, 下面係乳酸飲品, 杯底仲有個立體富士山. 吸晴又好飲!鮟鱇魚肝平時都好少食鮟鱇魚肝, 軟綿綿, 有D似鵝肝質地, 入口即溶, 味道都唔錯.金槍魚赤身壽司, 赤蝦壽司, 真鯛壽司, 文甲魷魚壽司壽司好新鮮, 尤其是赤蝦, 肉質豐厚爽口, 味道鮮甜. 文甲魷魚味道質感同平時既魷魚好似有D唔同, 唔會膠口. 醬油碟仲有個立體富士山圖案, 好精緻!千府一品厚切牛舌芯牛舌超級厚切, 香味濃郁, 肉質爽口, 配柚子醬味道好夾, 秒殺一碟!燒七味魚翅干燒到好香, 魚翅部位香脆, 肉質好有咬口, 甜甜地, 配埋沙律醬一流!西班牙伊比利亞黑毛豬叉燒配熟溫泉玉子叉燒好冧, 肉嫩, 燶邊皮令叉燒更香脆好味! 配埋蘭王玉子, 令叉燒肉質食落更滑身!免治雞肉軟骨餅食落有卜卜脆既軟骨加雞肉, 亦有用蘭王玉子配自家制醬汁, 味覺提升.宇治抹茶十勝紅豆布丁富士山形既甜品,