北角四眼妹美食屋 (已結業)

今日同同事食完飯想食下甜嘢，見到有雞蛋仔同格仔餅就一於每樣一件一齊share。舖頭雖然細但有好多唔同種類嘅小食提供，除咗一般燒賣魚蛋外仲有幾款特別嘅小食，滷水雞翼、肉燥腸粉及酸辣粉等等。雞蛋仔即叫即整，等一陣就有熱辣辣新鮮雞蛋仔食，雞蛋仔外脆內軟，蛋味一般但勝在唔過甜。格仔餅相對比較出色，除咗一般花生醬練奶，仲有幾款醬可選擇，今次揀咗金莎醬榛子。格仔餅厚實，外脆內軟口感不錯。榛子醬非常多之餘仲有花生碎作餡，非常香口。齋麵筋大件夠腍，加上微辣咖喱汁，味道不錯。