Have A Date (已搬遷) 新店位置

通常每個星期早餐都會幫襯佢地，一直覺得餐廳衛生情況唔錯，平時我會有留意餐具污唔污糟問題，不過覺得佢地衛生意識好高，會安心堂食餐廳既裝飾幾特別，牆身貼左好多掛畫同相，加上牆身既裝飾令到成個氣氛幾有feel仲有部電視會長期播住非大台既節目，早餐大家可以揀麥皮，常餐款，三文治，alldaybreakfast等等佢地既麥皮會加粟米片落去令到平時食麥皮覺得好寡既會有多一份口感! 早餐推介試咸牛肉蕃茄湯，佢地既蕃茄湯好足料落左好多新鮮蕃茄，令到成個湯底都好濃郁味，加埋咸牛肉岩哂重口味人士，唔洗再加任何調味料都已經好夠味 All day breakfast 都好食。熱香餅即叫即整好味野飲都唔hea，我通常都會叫熱啡或者熱央，佢地個熱飲杯好keep到warm，而且味道好香濃。