JUST'er Bar & Restaurant

營業中

休息中

🎀JUSTER科布Cobb個名咁特別其實係沙律，可以自選salad dressing，有油醋汁，胡麻醬，和風芥末，黑醋汁可以選擇。個人比較喜歡胡麻醬，沙律份量可以二至三人share做starter，有車厘茄，青瓜，牛油果，沙律菜，熟雞蛋，煎雞扒，比較有驚喜是雞扒，香脆多汁。🎀醬油風白汁三文魚扁意估唔到日式醬油可以match 白汁，令creamy中帶鹹香鮮味，又有少少甜味感。而三文魚香滑唔乾，扁意粉煙韌度適中，fusion菜之中嘅驚喜。🎀焗多汁豬仔骨配啤酒薯條BBQ Ribs好嫩滑，跟著軟骨的部份，肉質一絲絲入味又淋，BBQ醬汁味濃。啤酒薯條就脆脆脆，有薯味又香口。🎀飲品點了蜜糖柚子沙冰，菠蘿熱情果沙冰，都係即叫即打嘅沙冰，柚子味清新，菠蘿熱情果味開胃又解渴。🎀餐廳唔係有好多坐位，建議一定要by booking。我覺得出餐有少少慢，但真心feel到食到每個dish都係用心做，非常夠熱值得等待。