誠拉麵 (已結業)

復活節的第一日，約左朋友們晚上去睇戲，睇戲前朋友要和家人食飯，那麼我和謙謙就係 Aeon 行街搵食， 比我地見到呢到都有誠拉麵 😍😍，上次係屯門食過有質素，今次見到緊係再食多次啦！不過今次我地叫左唔同的野。⚛ 豚骨魚介沾麵 ～ 海苔兩片，筍絲，蔥，半熟玉子半隻，叉燒兩片， 濃郁我豚骨魚介，輕輕夾小小麵落去， 再夾返來來超掛汁，麵質彈牙忍唔住不停沾來食，半熟玉子夠哂流心。套餐包左鹽燒雞軟骨一串，唐揚炸雞兩件和解綠茶一支。⚛ 明太子雞翼 ⚛ 鹽燒雞軟骨⚛ 烤餃子⚛ 叉燒因為同謙謙share 食，所以今次叫左好多款小食， 明太子雞翼入口惹味， 雞軟骨謙謙最愛自己已食哂兩串，入口爽脆，烤餃子皮薄餡料豐富，叉燒🤩🤩我最愛，肉質幼嫩面層輕輕用火槍燒過份外滋味。