Lava Java 咖啡西餐廳 (已結業)

今晚終於見到肥仔了，約左佢係觀塘食野。入去環境都幾清幽，幾寬敞。叫左兩個SET DINNER，每一個晚餐可配六款不同的頭盤。先送上餐包。野菌忌廉湯勁勁足料的野菌！而且大大碗，絕不是簡簡單單的頭盤！你睇下，啖啖都係野菌，好入味！煙三文魚凱撤沙律煙三文魚份量多，有五舊到，不會偷工減料，食完頭盤都飽飽地。帆立貝龍蝦汁天使麵$188有三粒帆立貝煎得十分香口，天使麵亦都好有咬感。每條天使麵都有龍蝦汁，仲有蟹籽，好值得叫。軟殼蟹南瓜汁意大利飯$172原隻大軟殼蟹，黃色的意大利飯配青椒紅椒，感覺好清新。南瓜汁配上意大利飯好有嚼勁，唯意大利飯可再硬身D。加配是日甜品$30蘋果批/布朗尼配雪糕即焗的布朗尼充滿香濃的朱古力味!仲有一球雲尼拿雪糕!轉配鮮奶咖啡加$15每種咖啡都會精心拉花，咖啡偏濃，奶泡幾細滑。轉配朱古力批冰沙加$24極邪惡的朱古力冰沙，朱古力味重，飲完肥仔即刻肥幾磅！兩個SET真係好飽，大滿足的一天。