俊軒越南餐廳

營業中

休息中

係中上環返工已經一段時間，我竟然一直錯過一間咁出色嘅小店😔。話說今日收工，同事帶咗我去一間幾隱世，食越南菜🇻🇳嘅小店，店鋪唔算起眼，唔係同事帶我都未必會發現😆。店舖裝潢光亮整齊，地方唔算大，只有兩張4️⃣人枱，後來發現原來仲有樓上雅座😂...店員服務有禮又細心，同食客不時打招呼及傾偈。睇過餐牌📔有飯、湯麵、檬粉、特色法包、小食及飲品，選擇唔算少。越式牛肉撈檬 $76牛肉🐂份量多，烤得香口乾身🔥，口感軟腍濕潤，有微微薑味及炭香味，幼身檬粉非常滑溜，更加掛汁，味道酸酸甜甜又清新😋。香茅雞翼湯河 $72香茅雞翼🐓炸得香口乾身，肉質嫩滑juicy🥰，河粉滑溜唔易斷，最意想唔到係湯底帶雞香及胡椒香味🤤。越式豬頸肉 $108豬頸肉🐖大大塊，燒得十分焦香，邊位部份尤其焦脆🥰，肉質緊緻彈牙又juicy，味帶油香及炭燒香味，勁好食，大推👍。青檸梳打 $28飲碳酸飲品配上越式美食，簡直一流😍。