Brick by Brick

營業中

休息中

同事介紹放Lunch過來食，餐店雖然在半山上斜，但沿天橋中環至半山自動扶梯直上，好輕易到達。店子地方不大，外觀與西餐廳無異，但原來有馬拉野食的。午市主打馬來西亞喇沙及肉骨茶，亦有日式丼飯。秘製馬來西亞咖哩喇沙湯麵(珍寶蜆配大蝦) $143湯底味道微酸辣且芳香，有別於其他偏重椰奶味，飲落醒胃，麵底係摻摻麵即油麵溝米粉，加埋芽菜口感豐富。好多珍寶蜆好鮮甜，大蝦亦都新鮮彈牙，配料仲有好索汁的豆和半隻溏心蛋，正。火熱砂煲肉骨茶 $128上枱熱騰騰的，好香藥材味，湯味濃郁易入口隔晒油，湯汁下飯好好味，無味精添加，飲得健康養生。主角肉骨用了豬軟骨取代一般的排骨，骨肉好淋可以連骨食一煲清底，砂煲保持熱度，食完暖身，冷天食更正。仲有好多海鮮菇、金菇、生菜、油炸鬼和的豆卜。檸檬薏米水 +$25薏米水祛濕清熱又健康，加了檸檬汁味道就無咁寡。桔仔話梅梳打 $25醒神開胃又好飲。