影片
更多
2016-01-04
668 瀏覽
話說之前有次係附近食野，經過Li間新Cafe已經俾佢吸引住，上個月尾聖誕節假期最後一日就約左個朋友一齊去試下！Cafe裝潢簡單時尚，又咁岩係街頭轉角位，100%係鬧市中既寧靜角落啊！入面既店員都係後生仔為主，有活力之餘仲個個都好Nice好好服務態度，今次我同朋友去就叫左雙式芝士焗薯條、黑松露菌蘑菇意大利飯、檸香帶子意大利粉、紫薯酥皮撻同芝士酥皮撻，飲品我就要左店員推介既Ginger Latte。餐廳設計別具風格，Logo係簡單又可愛既水滴，連餐紙上面都印左，我同朋友都好中意。雙式芝士焗薯條Aussie Cheese Fries $68一見到個下我同朋友都呆左，估唔到份量有咁多，以小食黎講佢係多到可以食得飽一個人！薯條屬於中Size，夠熱夠脆，由兩種芝士整成既芝士醬芝味極濃，仲有拉絲效果！配合埋煙肉碎好惹味，做餐前小食一流！不過同所有芝士熱食一樣都要襯熱快食，等芝士變凍變硬之後味道就差好遠啦。檸香帶子意大利粉Spaghetti with Scallops in Cream Sauce and Lemon ＄118賣相好吸引，有三隻大大粒既帶子，口感彈牙，煎得岩岩好唔會過熟，外面全熟而入面
上個月尾聖誕節假期最後一日就約左個朋友一齊去試下！
Cafe裝潢簡單時尚，又咁岩係街頭轉角位，
100%係鬧市中既寧靜角落啊！
入面既店員都係後生仔為主，
有活力之餘仲個個都好Nice好好服務態度，
今次我同朋友去就叫左雙式芝士焗薯條、黑松露菌蘑菇意大利飯、
檸香帶子意大利粉、紫薯酥皮撻同芝士酥皮撻，
飲品我就要左店員推介既Ginger Latte。
餐廳設計別具風格，Logo係簡單又可愛既水滴，連餐紙上面都印左，我同朋友都好中意。
雙式芝士焗薯條
$68
32 瀏覽
0 讚好
0 留言
雙式芝士焗薯條
$68
50 瀏覽
2 讚好
0 留言
Aussie Cheese Fries $68
一見到個下我同朋友都呆左，
估唔到份量有咁多，
以小食黎講佢係多到可以食得飽一個人！
薯條屬於中Size，夠熱夠脆，
由兩種芝士整成既芝士醬芝味極濃，
仲有拉絲效果！配合埋煙肉碎好惹味，
做餐前小食一流！
不過同所有芝士熱食一樣都要襯熱快食，
等芝士變凍變硬之後味道就差好遠啦。
檸香帶子意大利粉
$118
23 瀏覽
0 讚好
0 留言
Spaghetti with Scallops in Cream Sauce and Lemon ＄118
賣相好吸引，有三隻大大粒既帶子，
口感彈牙，煎得岩岩好唔會過熟，
外面全熟而入面仲係少少生，正啊！
意粉已經預先撒上芝士粉，
對芝士控黎講係非常好既不過有d客人可能prefer自己加。
條條意粉都掛滿忌廉汁，
檸檬汁亦都滲哂入意粉入面，
每一啖都有淡淡檸檬香，
食落味道濃郁但又唔覺太膩滯。
另外我覺得係唔需要加煙肉粒既，
本身忌廉汁已經好濃，而檸檬汁又係帶黎輕盈感，
煙肉粒既存在好似一段戀情入面既第三者咁多餘左了
(Li個比喻我自己都忍唔住笑左LOL)
份量充足一個人食夠哂飽，
非常推介愛食意粉既朋友一試！
黑松露菌蘑菇意大利飯
$98
20 瀏覽
0 讚好
0 留言
黑松露菌蘑菇意大利飯
$98
19 瀏覽
0 讚好
0 留言
Wild Mushroom With Truffle Risotto $98
令我幾有驚喜既一道菜！
Risotto都食唔少，黑松露蘑菇Risotto更係佔大多數，
所以本身都唔會話好大期望，
但一上枱個陣既香氣仍然係令我口水急增！
其實食個陣有段小插曲，
我第一下食入口係有d失望，
味道其實好好，菇菌味道非常突出，
黑松露亦都起左畫龍點晴既作用，
但米煮得太～爛～
雖然同行朋友話佢中意咁樣但正宗Risotto係應該有d半生既口感先岩。
咁岩之後廚神出左黎，我就直言話佢知我既感覺，
廚師就好坦白咁講佢係煮耐左d，同我講唔好意思，
咁老實又無搵藉口我係即時加分的！(敢於認錯的男人好吸引～)
但我都覺得佢有個Point都講得岩，
Li區既食客好多都食唔慣半生米咁既正宗Risotto，
有時煮耐左d人反而先覺得岩食，
或者咁樣仲岩d人既口味，
不過我就覺得既然係意大利菜，
就都係煮返正宗意大利口感比較好啦！
紫薯酥皮撻(前) 及 芝士酥皮撻 (後)
$28
49 瀏覽
0 讚好
0 留言
Purple Sweet Potato Tart & Cheese Tart @$28
有見紫薯甜品同芝士撻大熱，
佢地都推出左紫薯撻同芝士撻！
特別在佢地既係酥皮撻，好鬆脆同有牛油香。
紫薯酥皮撻
$28
58 瀏覽
0 讚好
0 留言
番薯味道自然微甜，中間有芝心但又唔會蓋過薯味。
芝士酥皮撻
$28
28 瀏覽
0 讚好
0 留言
芝士控一定中意，中間仲好似有d流心咁既狀態，
不過就一定係比較滯d無得要求咁多哈哈！
我個人就比較中意紫薯撻多d，
樣靚又好味，而且食哂成個都唔會太飽滯！
紫薯酥皮撻(前) 及 芝士酥皮撻 (後)
$28
15 瀏覽
0 讚好
0 留言
Ginger Latte
$52
21 瀏覽
0 讚好
0 留言
餐廳叫得做Coffee Jobs，
第一次黎就點都要試試佢地既咖啡！
佢地咖啡既口味都幾多同幾特別，
不過有好幾款都無，係店員介紹之下叫左薑味Latte。
無論係我個杯定朋友叫個杯既拉花都好特別好靚，
上網見到佢地仲有好多款唔同既特色拉花ga！
味道方面薑汁味雖然重但奶解左薑既辣，
飲落口感都幾滑，
唔會太甜但唔落糖都可以，
男或女都應該岩飲。
從食物Feel到佢地真係幾有Heart，
值得大家支持，下次如果約朋友去旺角食飯，
想舒服坐下傾下計，或者拍拖食飯再去隔離睇戲既都可以考慮佢地
不過店內位置唔多，最好避免繁忙時段去，
如果唔係就可能要等等位啦！
張貼
