奈良上釜 (已結業)

約咗好友晚飯。佢成日去日本旅行今晚都係想食日本菜。 我哋揀咗去《奈良上釜》食釜饭， 因為好想食日本米。店舖細細， 可容納二十人左右。 店員都充滿笑容， 態度親切， 喺購物旺區 有時都比較少見。見到牆上嘅海報，就选呢兩款期間限定的釜飯套餐。前菜種類都係一樣。盛載器皿非常精美， 擺得靚靚， 特別賞心悅目。 吞拿魚漬物 唔會過鹹， 木魚絲豆腐幼滑， 檸檬蕃薯 甜甜地夠軟熟。 主角係中間嘅茶碗蒸， 有蛋香，夠滑， 多款配料有冬菇粒，蝦仁，三文魚子， 豐富美味。我揀咗［穴子釜饭套餐］。 穴子即係星鰻， 鰻魚嘅一種， 聽說系野生嘅，所以肉質有別於飼養嘅鰻魚 特別鮮味 有彈性。 果然一啲都唔腥， 肉質唔係好多油嗰種肥美， 魚味係好濃郁， 薄薄的鋪滿整個熱騰騰的釜飯上， 味道冇得頂。 覺得唔夠 味仲可以加添旁邊嘅鰻魚烧汁。旁邊嘅芝麻碎請顏碎備用， 灑在飯面上再拌匀， 口感和味道會更富層次。釜飯軟熟甘甜， 用了湯汁来煲饭， 每粒米飯都索滿精華，超美味。 因為加了味嘅米飯吃到一半 都有少少膩。 飽肚之餘 更添滿足。［海膽天婦羅］紫菜包住滿滿嘅海膽，炸完嘅海膽口感依然軟熟，好似出爐麵包咁軟熟，要趁熱食！朋友