馬來椰爺 (已結業)

今日同母親大人經過長沙灣，見到有間新開張既餐廳，餐廳名叫馬來椰爺餐室，睇餐廳名就知道呢到主打食馬來西亞食物啦。餐廳主打無味精湯底，以自家製手工醬，爆炒熬煮發酵超過9小時而成，而且絕無添加味精。坐定定，好快就㨂好要點呢到既招牌原隻軟殼蟹摻摻；至於母親大人唔食得辣，就黎個金沙骨香草椰奶湯摻摻。原隻炸軟殼蟹蜆肉無味精椰爺秘傳叻沙摻摻：大大隻既軟殼蟹上枱好吸睛，炸到酥脆香口，蟹香十足；湯底味道鮮甜濃郁得黎帶點微辣，摻摻索晒湯汁一齊食，好正。滷水燉金沙骨無味精香草椰奶湯摻摻：呢個母親大人特別欣賞，椰汁可以直接飲幾啖，之後再撈勻整個湯底，整個湯底濃郁鮮甜帶椰香；金沙骨燉到入晒味，口感軟腍多汁。真榴槤班蘭椰香手工咖央多士：班蘭咖央多士食得多，但榴槤饀配班蘭第一次食，真榴槤做饀配班蘭椰香，味道好夾。🔎馬來椰爺 (長沙灣)📍長沙灣元州街399號地舖