陳師傅點心專門店 (已搬遷) 新店位置

第一次幫襯陳師傳！陳師傳係做過怡東酒店的中式點心總廚。真係即刻製造既點心！勁熱同埋流心奶皇！唔係出面食既空氣煎堆！下次一定再食好耐無食芋角啦！見佢有手指公推介就試下！！芋頭入面包住豬瘦肉、冬菇，實卜卜，真係無偷工減料！好耐無食過咁好食既蝦餃，又大粒，又皮薄。之前食過勁好食蝦餃，但可惜係藍店，所以無得再幫襯！所以下次一定要再黎！！呢個又係手指公推介，腸粉好薄皮同埋蝦好大粒！好好味！！！陳師傳一送到黎枱，即係淋上燒汁，有鐵板既效果。食得出魚肉無混合麵粉，係真材實料以前係茶樓食叉燒包都會蒸到淋哂，但呢個係岩岩好，同埋叉燒餡好足料！網上評論都話呢間食物質素唔差！！果然真係幾出色有啲評論批評服務好差，但係我想平反。我一入到去就即係有職員：問幾多位。（唔會因為店入面80%滿，就唔想招呼我地/扮睇唔到）下次一定會再幫襯！！見到其他顧客食蒸魚好似都唔差，下次都要試試。