影片
更多
2018-10-07
806 瀏覽
估唔到誤打誤撞，竟然發掘到呢間高質素既中菜餐廳，無論燉湯，小菜定海鮮全部色香味俱全，價錢合理，食材優質，用心製作，味道一流，食完已經迫不急待決定下星期帶埋屋企人過黎西環食多次！😍-同同事完成繁重既工務之後，路過此地，咁岩見到店員運送海鮮既一幕，條魚大大條之餘仲好生猛，鐘意食魚同事即刻心心眼，於是我地就決定以囍囍作為今晚晚餐。我地懶得諗食乜，就決定嗌個2人餐開心Share。二人餐分別有老火湯套餐($248)同真味套餐($398)。今日工作忙左成日，梗係要食豪少少慰勞下自己啦！-真味套餐($398)包括燉品兩盅，鮮沙薑浸雞，清蒸沙巴龍躉仔，小菜一款及白飯兩碗，除返開都幾抵食！-首先登場既係熱騰騰既燉湯。川芎白芷燉龍骨聞落有香濃藥材香，飲落濃淡得宜，而且用料十足。杏汁花膠燉白肺香氣撲鼻，湯夠滑，肉味濃厚，豬肺好入味，有滋潤養顏之效，女士必點。鮮沙薑浸雞🐔雖然係例牌，但份量不容小覷。雞件肉嫩，雞皮香滑有油香，就咁食都好正。配上秘製沙薑醬汁，微微既辛辣中帶點獨特既濃郁香味，令雞肉提味，味道更上一層樓。清蒸沙巴龍躉強列推薦呢度既海鮮。龍躉肥美厚肉，生熟程度岩岩好，唔會蒸過可見廚師十足既功力。清蒸沙
-
同同事完成繁重既工務之後，路過此地，咁岩見到店員運送海鮮既一幕，條魚大大條之餘仲好生猛，鐘意食魚同事即刻心心眼，於是我地就決定以囍囍作為今晚晚餐。
我地懶得諗食乜，就決定嗌個2人餐開心Share。二人餐分別有老火湯套餐($248)同真味套餐($398)。今日工作忙左成日，梗係要食豪少少慰勞下自己啦！
-
真味套餐($398)包括燉品兩盅，鮮沙薑浸雞，清蒸沙巴龍躉仔，小菜一款及白飯兩碗，除返開都幾抵食！
-
首先登場既係熱騰騰既燉湯。
川芎白芷燉龍骨
聞落有香濃藥材香，飲落濃淡得宜，而且用料十足。
杏汁花膠燉白肺
香氣撲鼻，湯夠滑，肉味濃厚，豬肺好入味，有滋潤養顏之效，女士必點。
鮮沙薑浸雞🐔
雖然係例牌，但份量不容小覷。雞件肉嫩，雞皮香滑有油香，就咁食都好正。配上秘製沙薑醬汁，微微既辛辣中帶點獨特既濃郁香味，令雞肉提味，味道更上一層樓。
清蒸沙巴龍躉
強列推薦呢度既海鮮。龍躉肥美厚肉，生熟程度岩岩好，唔會蒸過可見廚師十足既功力。清蒸沙巴龍躉肉質滑嫩，鮮味滿溢。比起酒樓既龍躉，有過之而無不及！
雲耳鮮百合炒准山
准山爽口清甜，雲耳同百合炒得好入味，香口之餘又唔會太乾身，夠曬鑊氣，而且健康又有益👍🏻
店員有禮，食物製作用心，CP值高，非常出色既餐廳🤤好適合帶埋家人同朋友一齊去食！最難得既係，就算外賣電話響唔停，忙到爆炸都好，老闆依然保持禮貌，笑容！好餐廳一定要繼續支持！
張貼
