影片
更多
2019-10-04
395 瀏覽
今日來到大角咀既街頭，尋覓隱世美食。哩度遠離煩囂既市區，容納著不為人知既小店。🇮🇹Crazy King 呈獻🇮🇹估唔到來到大角咀既街頭，會有一家主打魚籽醬餐廳。餐廳名Crazy King，正正就係老闆阿King既畢身心血。事不宜遲，立即享用😋我地叫左個意大利皇家魚籽醬套餐魚子醬套餐有3道菜，首先有我期待已久既《魚籽醬三重奏》，仲有《廚師推介濃湯》，最後仲有一道《自選主菜》。魚籽醬三重奏Crazy King 採用意大利🇮🇹Calvisius Caviar 《卡爾維薩諾 魚籽醬》唔講唔知，Calvisius Caviar亦係眾多航空公司Business Class 魚籽醬既首選☺️話明係三重奏，當然有三款食材配以名貴意大利《Calvisius Caviar 魚籽醬》要品嚐到魚籽醬既鮮味，最好先用酒漱一漱口，或者飲啖清水。然後就由最口味清淡既食材開始。🐟劍魚腩 刺身片刺身通常都會配以Wasabi 同 壽司豉油去品嚐。但係Crazy King 就用最Crazy 既方式去品嚐😎劍魚腩片加上魚籽醬，首先要咬穿魚籽，令魚籽醬既鮮味蓋滿劍魚腩片，再品嚐劍魚腩片既油脂感，滿口滿足😋☺️🥚溫泉蛋溫泉蛋一改以往
我地叫左個意大利皇家魚籽醬套餐
魚子醬套餐有3道菜，首先有我期待已久既《魚籽醬三重奏》，仲有《廚師推介濃湯》，最後仲有一道《自選主菜》。
魚籽醬三重奏
Crazy King 採用意大利🇮🇹Calvisius Caviar 《卡爾維薩諾 魚籽醬》唔講唔知，Calvisius Caviar亦係眾多航空公司Business Class 魚籽醬既首選☺️
話明係三重奏，當然有三款食材配以名貴意大利《Calvisius Caviar 魚籽醬》要品嚐到魚籽醬既鮮味，最好先用酒漱一漱口，或者飲啖清水。然後就由最口味清淡既食材開始。
🐟劍魚腩 刺身片
刺身通常都會配以Wasabi 同 壽司豉油去品嚐。但係Crazy King 就用最Crazy 既方式去品嚐😎劍魚腩片加上魚籽醬，首先要咬穿魚籽，令魚籽醬既鮮味蓋滿劍魚腩片，再品嚐劍魚腩片既油脂感，滿口滿足😋☺️
🥚溫泉蛋
溫泉蛋一改以往用日式和風醬汁配搭，Crazy King 就以更奢侈既意大利風味，配上魚籽醬去品嚐溫泉蛋。係口腔入面充滿著溫泉蛋汁同埋魚子醬，更感鮮味。
🥔煙肉粒紅蝦片薯仔沙律
除左配搭日式食材，第三重奏就係紅蝦片沙律。充滿鮮味既紅蝦片、鹹香既煙肉粒、又creamy 又有咬口既薯仔沙律，加上主角魚籽醬。
廚師推介濃湯
是日廚師推介濃湯係......粟米濃湯🍲🌽唔好睇佢個名簡簡單單，大廚都落左唔少功夫。
粟米濃湯用左新鮮既粟米炒香，再淆成濃湯😍有別於其他餐廳既餐廳，粟米濃湯既味道更加濃郁，老闆阿King亦講到絕不添加任何芡汁 或者 生粉水。而且每一啖濃湯既after taste 都充滿著粟米味😋
最後一道《自選主菜》我地揀左皇家乾魚子醬海蝦忌廉汁意粉
哩一道菜正好俾我同大家解釋一下點解我覺得Crazy King 哩個餐廳名改得好貼切😂😂
首先，侍應將《海蝦忌廉汁意粉》上枱既時候，伴隨其後既就係主角意大利《Calvisius Lingotto Caviar 乾魚籽醬》
老闆阿King 可以話係不惜工本，係意粉上刨滿矜貴既《乾魚籽醬》，頓時傳出好香既魚籽醬味。
何謂矜貴？哩條《Calvisius Lingotto Caviar 乾魚籽醬》，根據官方網站指出，每70g 賣緊€139，姐係每kg接近HKD$17,000。可以話係每刨一下，就好似刨緊條金磚咁矜貴😱佢仲要刨左好耐，俾左好多乾魚籽醬我地❤️❤️
除左意大利皇家魚籽醬套餐，我地仲叫多左一碟慢煮黑松露雞胸肉
哩道《慢煮黑松露雞胸肉》有2件雞胸肉。其中一件更煎香，脆雞皮加上雞肉汁。當中2件雞胸肉仲釀入左珍貴既黑松露片，配上黑松露汁，肉質十分嫩滑！
最後同場更加演《白汁芝士炒意粉》，老闆阿King仲親自下廚表演添！
最後就係餐茶，秋天既來臨，襯以熱朱古力，可以話係為今晚既《魚籽醬》《黑松露》晚餐畫上完滿句號。😚
張貼
