The Balcony (已結業)

廚師精選沙律係日式凍豆腐沙律，凍豆腐加沙律內，冰冰涼涼，感覺低卡健康又好味，絕對係夏天既不錯選擇！前菜係 煎北海道帶子配波蘭汁，帶子肉新鮮嫩滑，帶子上面有有脆卜卜，下面就有件充滿醬汁既白蘿蔔，配以波蘭汁，超級好食！秘製龍蝦湯果然冇令我失望，龍蝦味道濃郁，湯底非常鮮甜，質感滑而稠，味道一流！新西蘭鱈魚柳配泡菜茨茸，鱈魚柳幾厚肉，肉質香滑唔鞋口，魚皮都細心煎香過，南瓜香甜，泡菜茨茸帶微辣好特別，口感細滑。甜品有Tiramisu同雪糕，Tiramisu有濃濃既咖啡香，口感濕潤軟綿，經典既味道！