陸陸雞煲火鍋 (已結業)

對上一次吃雞煲再後打邊邊，應有大半年，上次仲要係喺屋企附近既酒樓食，味道及風味硬係爭啲。近期工作有壓力，心情又欠佳，決定今晚大吃大喝，於是嚟呢度試下雞煲。去到食店見倒門前有幾個人等梗位，成9點幾餓到死仲要我等我就一定掉頭走，還好門口等位既人係打算幫襯10點後8折時段，於是乎我地唔等平價雞煲便馬上有得坐。枱同枱之間排得有點密，但裝修唔錯，唔似舊式雞煲店，即唔大陸唔麻甩feel，眼見都幾多年青人幫襯架！一坐低店員就叫我地落雞煲先，得兩個人既我地就點了有半隻雞既細煲(少辣)。雞煲好快就到，店員幫我地兜兩兜焗一陣就食得，個煲好香，雞件都算多，不過味道偏甜。食到咁上下我地就加清湯打邊邊。另點了牛三拼﹑黑豚腩片同埋薯粉。未幾後加既火鍋料都上，牛三拼有牛展﹑美國肥牛﹑本地肥牛同牛柳粒，望落去肥瘦均勻，但顏色唔太靚，還好食落都有牛味，$208一客唔算太貴既。而黑豚腩同薯粉就普通啦！諗起嚟成晚好似冇俾我茶我地飲，都係自己點汽水，10蚊罐，王老吉要成15蚊，少少貴，所以我地都係只點一罐可樂就算。其實食物未至於好多選擇，但啲料都算唔錯既，如果唔係得兩個人，我一定會多點幾樣，試埋佢既蝦膠釀油炸鬼﹑墨魚滑等，而