Kozy Okonomi-yaki Teppan-yaki

營業中

休息中

銅鑼灣日式鐵板燒😋😋可以揀坐鐵板燒師傅前面嘅bar枱。啲食物燒完會放系你面前嘅鐵板，所以都幾保溫。芝士蛋奄列應該系佢地嘅名物🧀🧀見到佢地落芝士碎嘅時候一啲都唔手軟。熱辣辣嘅蛋加超豐厚溶咗嘅芝士，拉絲嘅時候都重到跌低🤣🤣。豚肉大阪燒都唔錯，蛋香粉香都齊全，見到佢地啲肉類系用高質料，只系調味咸咗少少。燒海鮮(蠔、蝦、蟶子)全部都系高質料。尤其是系蝦。好大隻好鮮，蝦味重。蟶子佢有幫我地整到一粒粒方便食😋😋。燒野菜都好好食，尤其是茄子同蕃薯，好鮮甜好香。碟芽菜韮菜好香麻香，應該系有落麻油，加上面頭好多芝麻，好味，不過都系調味咸咗少少。個燒豚肉配薯蓉都好正，豚肉油脂分佈同質感唔錯，加上有個薯蓉甜甜地襯底，中和翻咁多野食嘅咸味，正😊😊。關東煮我就麻麻地。因為我要求好高。雖然蘿蔔夠淋多汁，但今次反而無咩味，不過隱約食到鰹魚湯味。豆腐入面滑，但出面有少少鞋。野食唔差，不過價錢都唔平。師傅態度好，但有個店員態度真系麻麻地，最後想叫野食佢又話過咗last order, 但系之前從來都無講過有last order呢件事。