林氏廚房 (已結業)

同事介紹工廠區，近荔枝角港鐵站， 地點方便， 大概行5分鐘。樓下舖地方非常闊落， D 類餐廳， 可12人一齊坐， 我地一行6人坐入房間一張大圓枱， 空間感非常足夠。另設2至4人方枱。同事預先同老闆傾好咩心水菜式， 服務員收碟長撞撞到人，又唔派新碟新餐具， 人手不足又係問題 。重頭戲：阿拉斯加長腳蟹先原隻放下影下相， 合影同個人合照， 哈， 等左我地好耐師傅就幫我地分件分拆，但又保留個種拆蟹的感覺， 唔影響賣相又放返上枱面， 唔使自己動手咁狼狽， 做法非常非常之細心。煙三文魚芒果沙律食材新鮮， 亮麗色澤，清新開胃。鵝肝多士賣相好靚， 鵝肝煎香，一啲唔油膩， 多士仲keep到脆口，無因為吸收左鵝肝的油而變軟。 秘制牛肋骨我覺得比較失望，牛肉唔需要太熟， 但上菜仍滴血也太野人feel吧， 而且好難咬，反而個配菜搶曬分。。豪一豪意大利飯聽個菜名以為只得蠔， 原來仲有大大粒帶子同大蝦球，陣陣香濃的黑松露味，配意大利燴飯，食到依道菜我已經投降， 我打包回家食， 仍然美味， 足料。雪糕咖啡， 果味梳打特色飲品不錯。蜜桃沙冰比較特別，可惜放下已溶左一半。食物質素高， 用料新鮮豐富，賣相吸引， 3000